ايش الحل مع سلفتي الظالمه حسبي الله ونعم الوكيل فيها

السلام عليكم يسعد صباحكم خواتي
طبعا انا نادرا اكتب مشاكلي
لكن هالمره طفح الكييييييل بعطيكم نبذه انا كملت سبع سنوات وانا متزوجه
زوجي ترتيبه الثاني في الاولاد اخوه الكبيره زوجته تقرب لهم لكن انسانه فيها كميه شر في حياتي وعمري وسنيني ماشفتها على مخلوق
تزوجت زوجي وكانت بينها وبين اهله مشاكل كثيره
بعطيكم نبذه عن اهل زوجي ناس طيبين طيبين طيبين طيبين فيهم دين ويخافون الله عمي انسان محترررررررررررررم ومعروف على مستوى القبيله من اخلاقه ودينه وعمتي انسانه راعية صلاه وذكر وقران طيبه وحبيبه وكريمه وتخاف الله
اخوات زوجي طيبياااااااااات عمرهم ماتدخلو في حياتي ولا حياة غيري ولا طلعت منهم الا الكلمه الطيبه
انا واعوذ بالله من انا انسانه مسالمه ضعييييييفه طبعا هذي شخصيتي اول ماتزوجت لا اهش ولا انش ولا لي دخل في أحد
سلفتي زوجة اخوه الكبير ماعرفها ابدا ابدا ابدا وماشفتها الا بليلة عرسي ماطلعت تسلم علي والليله الثانيه من زواجي لما رحت لاهل زوجي سلام من وراء الخشم حتى لاكيف الحال ولا مبروك
الزبده طنشت
شافتني دخلت مع اعمامي وخذيت معهم واستانست معهم وحبيتهم وحبوووووووني ركزوا على حبوني
مرت الايام والسنين وشبت الغيره في سلفتي ياليتها غيره لا حسد وحقد
طبعا مابينها اي تواصل مع اهل زوجي لانها مقاطعتهم وصارت مشاااااااكل كبيره بغت توصل لطلاق
الحين تزوجوا اخوان زوجي اربعه وصارت سلفتي تروح عند كل وحده وتقول لهم ادري الثريا تحارشكم علي وماتخليكم تجوني ووووووووووو
طبعا هي تبعد عنا يمكن 100كيلو وكل حمواني يكرهونها وكل واحد محذر زوجته منها ومايروحون لهم الا في السنه حسنه
وزاد الكلام وتكلم ناس من الجماعه وتتكلم فيني وواذا قابلتني اشد انواع النفاق
وكل يوم تطلع سالفه
ومره كنا عند خال زوجي وشغالة سلفتي الشرانيه عند عمتي ام زوجي هجت الشغاله منها ماتبيها
وجت عمتي عندنا وجابت الشغاله طبعا عمتي في منطقه ثانيه بعيده عننا
واهل زوجي مايجلسون الا عندي والشغاله مع عمتي
والشغاله تسررررررررق ماخلت شي ببيت اهل زوجي وقاعده تصيح تقول ودوني المكتب وقالبه علينا البيت وذاك اليوم كنا معزومين عند خال زوجي
وحماي الكبير كلم امه قال انا اذا طلعت الليله وحضرت العشاء عند خالي اباخذها لانها باسمه
طبعا حماي الثاني استقبل امه ونامت عندهم وقالت بنزلك انتي يالثريا الليل الثاني اللي هي عمتي قلت حياك
والله وحنا بالعزيمه راحت سلفتي وكلمت سلفتي زوجة حماي الكبير وقالت خذي شغالتس تبكي وماتبغى تقعد رجعوها للمكتب اللي عندهم بنفس مكانهم قالت لالالالالا مالي دخل فيها اللي استقبل امه يروح يودي الشغاله وبعدها لفت وجهها عن سلفتي
زعلت سلفتي الثانيه وقالت لي السالفه لاني كنت عالعشاء مادري يوم حنا طالعين قامت تبكي الشغاله وتقول لا مابي اروح معكم تبي تروح مع حماي الكبير عشان يوديها راحت سلفتي كلمتها مره ثانيه قالت شوفيها تبكي خذوها نزلوها على طريقكم
زوجي يدق علي ويهاوش ليش تاخرتي استناك برا قلت لسلفتي زوجك يقول اذا حضرت العشاء باخذها ونزلها المكتب
لا اله الا الله قامت القيامه
يوم رجعت البيت وكلمتي وسبتني وسبتني وقالت لي يالكلبه يالحيوانه
وارسلي لي رساله كلام وصخ
وهذا انا اسمع كلامها سبع سنين وساكته لاكن الشرهه علي انا اللي ماوقفتها عند حدها
واقابلها مره ثانيه عند وحده من سلفاتي وماسلمت عليها وطول الليل انا اسولف للحريم وهي تضحك تقولين ماكن بينا شي تبي تسوي قدامهم انا الزينه
يوم راحو الحريم كلهم واستلمها انا قلت ايش عندك انتي من تزوجت وانتي وراي تلاحقيني وتسببني عند سلفاتي
طبعا سلفاتي قايلين لي كلامها
وماخليتي احد الا وسبيتيني عنده قالت انتي مغروره وشايفه نفسك قلت مالك دخل فيني انا اذيتك
قالت انتي تنافقين عند اهل زوجي وتسوين فيها حبه ونص ياناس انا مصدومه ماعمري في حياتي تمشكلت مع احد هذي حاقده حاسده علي
قلت انافق عند اعمامي مالك دخل ربي بيحاسبني بنيتي
والله والله اني سبيتها سب عمري ماسبيته أحد
تبلتني بكلام يشهد الله ماقلته ياناس انا مقهوره بس اتحسب عليها
وتقول زوجك كان يحبني ويحشمني وحاطني فوق راسه ومن يوم ماتزوجك وانتي قالبه راسه علي
زوجي يكرهااا قبل لايتزوجني لانها تتكلم على اهل وتسبهم في وجههم ولعنت ابوه وامه قدام حمواني
بالله ايش تبغين يحبونك مثلا
المشكله اني انا اللي قعدت اهدي زوجي بعد ماكان يكرها وكنت اختلق لها الاعذار وانا مادري ان نيتيها خبيثه حسبي الله ونعم الوكيل فيها بس اخر مره قابلتها بردت خاطري فيها وقلت لها والله ماعندي لك الا حسبي الله ونعم الوكيل في سجودي
اسال الله العظيم رب العرش الكريم ان ياخذ لي حقي منها
بنات لوعندكم سلفه شرااااااااااااااااااانيه حتى وانتي ساكته ماتنطقين بحرف واحد وهي ماخلتك بحالك وكلام ثاني قايلته عني بس مابغى اطول السالفه اتهمتني
بنات ركزوا ماتخلي قريب ولا بعيد ولا احد من الجماعه الا وتتكلم عني وتتبلاني وعندها اسلوب في السرد والله تشكين انتي في نفسك
اسفه طولت عليكم بس حبيت اوضح لكم