ايش السبب

السلام عليكم انا دايما استشيركم واخذ أرائكم ولا نستغني عنكم بعد الله بقولكم اليوم قصتي في البيت اللي انا عايشه فيه انا ساكنه في شقه صغيره وصبرت عليه الآن مرزقنا الله بأرض والحمدلله والشكر واكرر الف مره الحمدلله
والحين بدينا نعمرهها حنا لسه بأول المشوار باقي لنا مايقارب سنه وفوقها عشان تخلص ويارب تحقق حلمنا ونسكنها ويعوض الله صبرنا
بس انا الآن تعبانه من السكن اللي عايشه فيه الحين مالي خلق اشتغل ولا أطبخ بس نايمه وبلغصب أطبخ مره او مرتين بالأسبوع مع اني احب اطبخ اقعد ابكي ماني قادرة جسمي مهدود صحتي تدهورت بس كئيبه حزينه ما أرتاح لين ابكي كثير ناس ودها تزورني بس اصرفها ماقدر استقبلهم من الضيق اللي انا فيه من البيت ومن نفسي أول ماسكنت كان كل شي عادي وما احس بهذي الاعراض لي 5 سنين وانا تعبانة مدري ايش اسوي ولا ادري ايش السبب اذا زرت ناس انقهر من شقتي وكائبتها ما ودي ازورهم ولايزوني وانا بصراحة اسمع تلميح على الشقة اللي انا ساكنتها صرت ما ابغى ازورهم ولا يزورني وانا بوضعي هذا مع اني ما احب القطاعة بس ويش اسوي ياليت حد يرد ويريحني