ايش الطبخات اللى تسوونها على الغذا

هلاأختي.. بالنسبة النا..

نسوي أكثر شي عيوش.. يعني رز.. ومرات معكرونة بالباشميل.. ومرات دجاج بالفرن..

ومادري اذا رديت على سؤالج والا فيه شي ناقص.. وأي سؤال أنا حاضرة..

مشكورة حبيبتى على الرد على الاقل انتى رديتى وعبرتينى احسن من اللى دخل


ولا ادرى ليش داخل اذا كان مايبى يرد ؟؟ اكثر من 30 وحدة دخلت ولا كلمة

مشكورة عناتى والله يعطيج العافية

انا حبيت اسأل عن الطبخات اللى تسوونها الرز مثلا طريقة عمله ومع ايش تقدمونه

يعنى مثلا الدجاج او اللحم او السمك اشلون تسوونه


و ما قصرتى غناتى عساج عالقوة :24: :27: :cook:

السلام عليكم

من بنات افكاري
ومثل ما قالت المسافرة عيوش او رز غدانا .....ما تشوفين الوزن زااااااايد :)))))))))))
والمنتدى فية افكار رائعة ...واطباق احلى

مثلا

السبت معكرونة بالباشميل او لازانيا او اسباجتى المهم صنف معكرونة
الاحد كشري مع دجاج مشوي بالفرن
الاثنين رز ابيض او رز مع الشعيرية مع صالونة لحم وبامية
الثلاثاء مقلوبة مع سلطة اللبن
الاربعاء مجبوس دجاج او لحم او سمج او ربيان
الخميس برياني ربيان او دجاج او لحم او سمج
الجمعة مشاوى دجاج ربيان سمك الخ او ملوخية وخبز

وممكن تخففين يوم ويكون فقط سندويشات بس تكون دسمة
وممكن تسوين كبة بالصينية مع شوربة عدس وسلطة
وطبعا لاتنسين السلطة المشكلة كل يوم غيري نوعها وكذلك الشوربة

وكثري من الاسماك لكثرة الفائدة منها


انا اعرف وحدة ريلها يحب الاكل اللى بالخبز يعني يوميا خبز ويكرة العيش

ماشالله ميس شيف كفت ووفت.. بالنسبة لي.. يوم يكون زوجي بالبيت نسوي عيش لاكن اذا محد نسوي دجاج مشوي مع بطاطس وباذنجان مغلي.. أو أي نوع معكرونة سواء عادية أو كانيلوني..

ومرات كشري ( كنت ماحبة لاكن ألحين أممممممممممم يعجبني ومش أي طريقة بعد ) ومرات معاه دجاج مشوي..

والأغلب.. برياني أو مجبوس أو مرق ( صالونة ) أو مقلوبة ( لميس شيف أممممممم لذيذة ) ومرات سمك مشوي مع صالونة خضار أو عدس.. وطبعا السلطات على كيفج.. اذا كان صالونة تكون السلطة ناشفة أما اذا كان العيش ناشف مثل البرياني والمجبوس والمقلوبة فأفضل سلطة الروب بالنعناع أو بالخضار المشكلة أمممممممممممممممم

وأي سؤال أختي أنا حاضرة..

ميس شيف.. ممكن سؤال.. كيف تشوين الربيان واللحم.. ماقد جربت اللحم والربيان أبد مادخلته بيتي أحس صعب .. مع اني أشتهيه مرات.. شرايج؟؟

الف شكر لج اختى الغالية MISS_CHEF


وماقصرتى والله كفيتى ووفيتى :24: :26: :26:


والف شكر لج حبيبتى المسافرة وانا هم بعد مثلج اذا كان زوجى برة


ناكل انا واولادى اى شى بس اذا كان معانا فتعب مو اى شى يعجبه

واولاده مثله اللى احبه ما يحبوه والعكس بعد حاجات قليلة اللى نتفق فيها


وهذا يصيبنى بالملل من الطبخ لانى اطول وانا بالمطبخ ويضيع وقتى

واذا زادت الحالة خليت زوجى يجيب من برة من المطعم الكل ياكله

ومشكورين خواتى :24: :24: :26: :26: :cook: