ايش اللي مسويه عمتي عشان ربي يسخر لها كل هذا تفضلو قصتها

السلام عليكم
طبعا بدخل بالموضوع على طول
بالوقت هذا حتى الاخوان والاخوات اذا تزوجو للاسف
الاحظ خلاص ينقطعون عن بعض او بالموت يزرون بعض ولا يبون بعض
ويخبون اسرارهم عن بعض خاصه الرجال اذا تزوج ينسى خواته
كثير كثير لاحظت رجال مايعرفون اهلهم الا بالمناسبات والاعياد
اما لزوجته واهل زوجته مبسط عندهم اعرف واحد مايعرف امه الا بالاعياد بالمقابل كل عطله رحلات مع اهل زوجته وام زوجته
وانا اقولكم السبب
ولاحظو السبب مو الكل البعض مو الكل البعض عشان لاتقولون حنا وحنا
سبب القطاعه بين الرجال واهله ان للاسف فيه ناس اذا زوجو ولدهم خلاص كانهم
جايبين البنت عبده من الشارع يبونها تحت امرهم تحت تصرفهم تحت حكمهم
والله والله ان وحده تقول مره زوجي اشترا لي جوال ولما نزل عند اهله
حصل خواته بينفجرون من الزعل وامه تصيح تقول تشتري لها وانا لا!
وراح جاب لامه كانها ضرتها
ووحده تقول تصدقين ماسافر اقولها ليه تقول اهل زوجي لاعبين براسه الله لايوفقهم
يقولون السفر صعبه ومصاريف تلعب عليك قولها اذا عندها فلوس تسافر اذا توظفت هذيك الساعه تسافر
اما انت لاتحمل نفسك ديون وانت وانت تعرفون كلام الحريم
اللي بوصله سبب القطاعه بين الرجال واهله صح بسبب زوجته زوجته تمنعه
طيب ليه زوجته تمنعه ايش السبب؟؟
الا انكم داخلين بحياتها بكل كبيره وصغيره فغصب الحرمه تكرهكم تكون وتجلس تاثر بزوجها عشان بس تعيش بسلام
وكل شي براحتها تبعد عنكم<انا اتكلم عن اللي يتدخلون رجاء ماخصصت كل الناس اتكلم عن اللي منشغلين بحياة زوجة ولدهم


اللي بقولكم
عندي عمه وحده بس اقسم بالله من لما تزوج ابوي <على كلام امي
عمرها ماتدخلت بحياتنا يعني عمرها ماسببت مشاكل بين ابوي وامي
مع انها اكبر من ابوي ب 4 سنوات عمرها بالستين الله يطول بعمرها
عمرها ماقالت لابوي ليه تصرف على امي وتجيب لها هدايا خاصه ابوي كان يهدي امي زمان
يشتري لها جولات على ايام جوال نوكيا والخرابيط هاذي <هههههههه
قبل 14 سنه اعتقد وكانت عمتي م عندها زوجها صعب مايبي معها جولات وخرابيط على كلامها
وتشوف ابوي كان يسفر امي يدور فيها ايام زمان بالممكله عمرها وحياتها ماتدخلت وقالت ليه تروح او بروح معك
مع ان زوج عمتي الله يرحمه ويسامحه كان يحرمها ماتروح حتى لبيت اهلها
توفى زوج عمتي بعد تقريبا 20 سنه زواج وانا بالابتدائي اذكر قال ابوي لامي رجل اختي توفى بسكته
عاشت عمتي طول هالسنين تربي عيالها وتشوفنا وتشوف حريم عماني الثانين نسافر ونشتري ونجيب ونحط
وحنا اطفال تشوفنا مافي مكان مانروح له وهي مع هالايتام ببيتها كافه شرها وتربي عيالها وتصلي وتجمعنا كل اسبوع
هذا وحنا اطفال كبرنا وكبر حب عمتي معنا ابوي واعمامي والله يابنات كل يوم يوميا من العصر الى بعد العشاء يجلسون
عند عمتي وبناتها وهاذي عاده صارت لهم <امي عمرها ماتدخلت قالت لاتروح لهم وهو يوميا
تقدرون تقولون علاقتنا مع بنات عمتي زي الاخوات تربينا من الطفوله مع بعض اذا رحت مكان شي
لازم اخذهم معي كنت اذا رحنا استراحه او ملاهي مع خوالي اقول لامي باخذ بنات عمتي تقول خذيهم
كبرنا ودرسنا مع بعض وتزوجن نص بنات عمتي وانا اللي لبستهم بيديني شبكتهم
اسبوعيا لازم لازم نجتمع حريم عماني مع عمتي والكل يحبها والكل يقدرها هي وبناتها وطايرين فيها
عمتي مريضه بالقلب وتراجع بجده وكل شهر مراجعه كل شهر واحد من اخوانها يروح معها
وعمره ماحد من حريمهم تدخل سبحان الله ربي سخرنا لها من طيبه قلبها ونظافته
ربي سخر رجال بناتها لبناتها شالينهم عن الارض وكل سنه بدوله وكل عصر يجون يسلمون على عمتي من طيبه قلبها
عيالها كلهم واحد صار دكتو واثنين معلمين وواحد بالبنك ربي وفقهم بحياتهم ودراستهم مع ان عمتي انسانه اميه!!
بس ربي عطى ذكاء لبناتها وعيالها وتفوق بالدراسه
ربي بارك لها برزق كانت تسويه زي مشروع صغير وكبر هالمشروع وكسبت منه فوق مليون ونص واشترت فله من اجدد الفلل
والان المشروع ماشي وعايشه احسن عيشه هي وبنات عمتي الثنتين اللي باقيات ماتزوجو

انا ليش اقولكم كذا شوفو كيف كل اماني الدنيا حصلت عليها عمتي
توفيق ووظايف كبيره لعيالها
رزق وبيت من افخم شي ملك لها
ازواج بناتها مافي احن منهم وشايلين بناتها شيل
تسخر ربي اخوانها وحريم اخوانها وزوجات عيالها لها ولا احد بحياتي عمري سمعته يتكلم فيها
الشي الوحيد اللي سوته
عمتي واشك ان ربي منعم عليها بالدنيا من كل جهه هو شيئن متاكده منهم
ماتحسد احد ولا لها دخل باحد ولا عمرها تدخلت باخوانها وحريمهم واللي يروح يروح واللي يسافر يسافر وتاركه كل واحد عايش
عمرها ماغتابت ولا حشت باحد نهائي نهائي بالعكس تنصح اللي تغتاب وتقول الله كلن بيحاسبه لاتهرجين فيها