اللي مضايقني من زوجي ان حقوقي وحقوق عيالي من وقته واهتمامه ورعايته مهضومة
من تزوجنا ما حسيت انه تغير وتحمل مسؤلية بيت وعيال وبالعكس يرفض وبشدة أي تغيير

يعني يومه كله له هو
من الصبح للظهر دوام
من العصر للعشاء قهوة
من الساعه 10 راقد

أما الإجازات فكلها له هو القهوة من الصبح لوقت الغدا وبعدين من العصر لوقت نومه القهوة مرة ثانيه

الغدا مثل الغدا اللي تعود عليه في بيت أمه وأحسن طبخ في نظره طبخها بالرغم من ان علاقته في اهله فاترة وتمر الأسابيع بدون ما يسال عنهم بعد

العادات الي تعود عليها وهو عازب لين اليوم مب قادر يتخلى عنها

ما يصاحب إلا الغجر ولا البسطاء اللي أقل منه تعليم وثقافة ومستوى ويبتعد عن الأفضل منه بل ويسخر منهم وخاصة المتدينين

حياتنا انا وعيالي تلخبطت وتغيرنا بس عشان نقدر ننسجم وياه
بدال ما نأثر عليه أثر علينا

بيتنا ينتقص الأسرة
ما عندنا الزوج و الأب
عيالي يعاملون أبوهم معاملتهم للغريب

حاولت أدمجه في الأسرة لكنه ما يحب المسؤلية والإلتصاق
يحب يكون حر ويحلق من هنيه لهناك
ما يحب يكون له علاقة حميمة بحد
يحب العلاقات السطحيه العابرة

ونحنا -أنا وعياله- ندفع الثمن

شو نسوي ؟؟

ام ميثا الله يكون في عونك
حاولي تتحاورين معاه بكل هدوء ما نفع فيه
وكلي امرك لرب العالمين وربي عيالك انتي كأنه مو موجود
كلما اظهرتي زوجك انه مهم وما تستغنين عنه بعض الرجال يشوف نفسه تجاهليه تماما
اكثري من الاستغفار والدعاء في جوف الليل فهو لك نجاة بأذ

ام ميثا الله يكون في عونك
حاولي تتحاورين معاه بكل هدوء ما نفع فيه
وكلي امرك لرب العالمين وربي عيالك انتي كأنه مو موجود
كلما اظهرتي زوجك انه مهم وما تستغنين عنه بعض الرجال يشوف نفسه تجاهليه تماما
اكثري من الاستغفار والدعاء في جوف الليل فهو لك نجاة بأذن الله
ولايضيق صدرك فيه كثير حريم اعرفهم ازواجهم مشغولين24ساعه ومتحملات مسؤلية اولادهن كااااااامله...

الاخوات اللي رديت على مشاكلهم يعطوني رايهم

اللي يضايقني في زوجي أنه من زواجي ما اهداني ولا هديه رغم أنه يهدي اصحابه واخته

وكمان أنه مهما لبست له وتخشخت ما يعلق ولا يقول زين أو شين