مرحبا عزيزاتي الحوائيات
كييييفكم إن شاءالله في أحسن حال يارب
اليوم بغيت أسولف معكن شوي وأخذ خبراتكن وتجاربكن في موضوع
الشغلات المعلبة والمكيسة الجاهزة لطبخ وعسى مايكون مكرر
يعني أيش اللي دايم تحبين تشترينه وماتخلا ثلاجتك منه وينفع في أختصار الوقت في الطبخ
ونفس الوقت حلو طعمه
بقولكم أنا اللي عندي عشان تفهمون وش قصدي
يعني أنا أحب داايم أشتري الملوخية المثلجة
وجربت كذا نوعية أمريكانا ومونتانا وغيرها كلها حلوة
برضو البامية نفس الشي عشان لو أشتري الطازة راح تخرب ولأني ما أكرر الطبخة إلا كل أسبوعين
وماتخافين أنها تخرب مع الوقت
وماني شاطرة في التفريز ولأنها سرييعة في الطبخ وماتاخذ وقت
مجرد أقطع الدجاج والبصل
وأما اللي ماجربته الخضار المشكلة
ماحبيتها مادري ليش على كثر ما أقرا طبخات ووصفات تكون فيها هالخضار
بس ما أفكر أشتريها بس راح أجربها وأشوف
وبالنسبة لدجاج وأنواعه
جربت دجاج تكا ( أمريكانا ) حلوو طعمة وكأن فيه طعم الشوي مع أني مجرد أقلبه في زيت حفييف مع شوية بصل وفلفل رومي
جربت نوعية ثانية أعتقد ( الكبير ) بس ماعجبني مررة
وكمان كفتة الدجاج ( الكبير )
أسويها بكشنة بصل وطماط وصلصة تطلع لذيذة مع الرز الأبيض
وتوفر وقت برضو
ودي اجرب الشاورما بس مدري حلوة وللا
اما بالنسبة للدجاج النقت والنقانق والشغلات هذي مااا جربتها أبد لأن لا أنا ولاعيالي ناكلها
بس جربت الهمبرقر حلوو
المحشيات زي السمبوسة والرول جربتها بس ماتشجعت أشتريها لأن حشوت السمبوسة ( الكبير ) ماحبيتها
وزوجي ماايحب المقليات ,, والرول تطفش بعضها مقطع ومخرم ويمكن صدفة
طبعا أنا أبي تجاربكم في مجمدات الطبخ اللي تنفع للغدا يعني الدسم على قولتهم
مابي أتكلم عن العجاين الجاهزة زي البف باستري ورقايق السبرنق رول وغيره
لأنها كثيييرة ومعروفة
فياليت ياعزيزاتي تعطوني خبراتكم وتجاربكم في هالمجال
لعلنا نفيد ونستفييييد إن شاءالله ..
والباقي ما يحبه رجالي و اكثر اللي ذكرتي اخذه تازه واتلجه والحلو اخذ له كثير وشكرا علي موضوعك