يا عالم لا تحاولون تقنعونهم خلاص هم شايفين ان هم الصح والباقين كلهم غلط ، اللي تلبس عباية راس حتى لو انها مطرزة ومشكوكة او مخصرتها ومبينة كل تفاصيل جسمها من فوق لتحت او كل شوي تطيح منها بسبب الاطفال وشيل الاكياس ويبان الشعر والنحر واللي عبايتها راس و طرفها ابيض من كثر الوصخ والله اعلم وش مر هالطرف عليه من نجاسات في دورات المياه والشارع هذولا كلهم مية بالمية صح وملتزمين ومحتشمين ، واللي لابسة عباية كتف واسعة وخالية من الزينة وطرحتها اطول واعرض من عبايتها ولا لابسة الخمار زي اخواننا السوريين والمصريين هذي غلط ؟؟ فكروا بس بعقل ومنطق قبل لا تحكمون على اي شي ، والمصيبة الاعظم لو كانوا هذولا اللي ردوا معترضين على هالنوع من العبايات ما قد شافوها ولا يعرفون شكلها .. روحوا شوفوها اول بعدين تكلموا ، يا ليتهم بس يهتمون بجوهر الدين اكثر من المظاهر الخارجية اللي عمرها ما تدل على شي ...الدين حسن الخلق والموعظة الحسنة وعدم التكبر على الآخرين وما نغتر بأنفسنا وعبادتنا لأنها موب هي اللي بتدخلنا الجنة بندخلها برحمة الله .. ، واذا على عباية السديري شفنا حريم ما شاء الله نحسبهم على الله ملتزمين وهم اول من لبسها هذا لأنهم فاهمين الدين صح ما قالوا هذي من عند الغرب ولا بتخلينا شوي شوي نتساهل نترك العباية الخ الكلام اللي البعض يقوله كحجج واهية تدل على عدم تقبلكم لأي شي جديد ممكن يريحكم ويسهل عليكم حياتكم ،الدين يسر وعمره ما كان فيه تشدد ورهبانية

عباية القبعة مو حلوة أبدا وكنها عباية كتف ......... يعني مو ساترة مرة للي يهمها الستر ..

أما عباية السديري إذا اتفصلت عند مكان كويس ( زي مدنايت ) ما يبين بينها وبين عباية الراس فرق من برا ....

يعني سااااترة مرة

إلا عاد كان اللي بيشتريها بيخربط فيها .. ويضوق وأكمام وخرابيط

أما الأصل إنها زي عباية الراس بس مريحة لمن تكونين في مكان نسائي لأنها ما تسحب في الأرض

اهم شى فى العبايه الالتزام بشروط الحجاب الاسلامى ,,,سواء كانت راس اوكتف فضفاضه ساتره غير مزخرفه ولا تبين الجسم ...وفق الله الجميع الى مايحب ويرضى

عباية الصديري افضل
واحسن محل يصلحها منتصف الليل

موجودة في الرياض مول؟