شكرا يابنات على الردود واللة ماقصرتة افكار حلوة اهم شي ان الوحدة تكون متسترة موباين منها شي سواء لبست غطاء ابيض او اسود او حتي خيمة <<<<<< مو متخيلة منظر الخيمة لغاية دحين
انا انشاللة قررت افصل عباية لونة ابيض وفخمة
وثاني شي يابنات السيارة تكون مضللة حقت الغروسة يعنى لو كشفت ماراح تبان ابدا

السلام عليكم و رحمة الله و بركاته ..

أختي snow_queen ..
ما ينفع النقاش بأسلوب أحسن من كدة ؟؟
:confused:
و لاحظي أنا أيش قلت :
حتى إللي بيقولو عليه البنات الأبيض ..
ما ينفع لنا لأننا محجبات .. و ما ينفع نطلع
من القاعة بدون غطاء و تستر مزبوط ..

ألبسي عباية (( واسعة )) على كتفك عادي ..
و فصلي طرحة عريضة و طويلة شوية و تكون غامقة
مو شفافة ..
و حطيها فوق راسك و أرميها رمي من قدام لورا ..
لا تلفيها ..
بس ثبتيها بشي عشان لا تتكشفي بالغلط ..
تقدري تلبسي المشلح حقه على أكتافك و حيسترك ..
و من فوق تغطي و جهك و شعرك بالطرحة زي ما قلت
لك أول ..

و الطرحة لمن تكون كبيرة و عريضة و تتلبس بهادي
الطريقة بتكون مسترة .. و مغطية كل شي ..
حتى الأكتاف و النحر و الصدر و الظهر و كل النصف الأعلى
من الجسم .. من قدام و من ورا ..
و أستر من أي طريقة تانية لغطاء الوجه ..
و جسمها أساسا حيكون مغطى بالعباية !!
و تدخل أياديها تحت الطرحة من قدام عشان أكيد حتكون
منقشة حنة أو حاطة مناكير و يدها مزينة .. فتستر يدها ..
حتى لو لبست جونتي أبيض أو أسود ..

و كل مين حر في نفسه و في طريقة حجابه !!
أهم شي في الآخر إننا الحمدلله مسترين
و محجبين الحجاب الكامل و لله الحمد ..
و ما بنطلع عند أحد و لا بيشوفنا أجنبي
بزينتنا و مكياجنا .. مهما كانت المناسبة ..
و ما بنشجع على السفور و التكشف ..
و كونها العروسة مو معناه لازم تتكشف !!
و صاحبة الموضوع سألت و البنات جاوبوها ..

و يعلم الله إني ما جاوبت غير بالشي إللي أنا
بأسويه بنفسي أنا و أهلي و متأكدة إنها إذا نفذته بنفس
الطريقة إللي قلتها لها حتطلع يوم زواجها إن شاء الله
مستورة و حجابها كامل ..
و ماحد يشوف منها شي غير طرف فستانها من تحت !!

و غالبا العروسة بتطلع من القاعة عالسيارة ..
و من السيارة عالفندق أو البيت ..
يعني ما راح تمشي في الشارع و لا حيشوفها أحد ..
و أهم شي يكون الجزء العلوي منها هو إللي مستر
مزبوط ..

و عموما باين الأسلوب أسلوب إستهزاء ..
ماهو أسلوب مساعدة و إفادة ..
و أنا رديت بس عشان أوضح للبنات التانيين ..
عشان ماحد يفهم غلط !!
و على نياتكم ترزقون !!
و حسبي الله و نعم الوكيل ..

ملحوظة :
القماش الأبيض يحجب الرؤية و ما يبين شي ..
لكن القماش الأسود حق الطرح تقدري تشوفي منه ..

تحياتي ..
جــــــــداويــــــــــــة

انا كل خواتى لابسين رداء ليلي اللى يجي زي القبعه بس تغطي كل الوجة لين الصدر ولونه ابيض احسن من العباية واستر لان احيانا العباية تجي قصيره ولونها اسود واذا راحت الوحده الفندق شكلها مو حلو وانا ان شاء الله بلبسة في زواجي وهو على فكرة ساتر مرررررررة ويغطيها كلها

اهلين اختي سنو كوين كيف حالك ؟! عساك طيبة ؟! :)

حيلك على البنات ترى ماقالوا شي :humm:

النصيحة لازم تكون نسمة :wink2: مو باستهزاء على ردود البنات

ماهكذا تورد الابل يا سنو كوين :smheart: أنا أدري قصدك خير

وجزاك الله خير..لكن الأسلوب الزين والكلام الطيب أثره أقوى وإلا وش رأيك ؟!

ahwnos .. ههههههههه والله ياقلبي ما اردي شلون اوضحها لك اكثر بس اللي عجبني فيها انها ما تخرب التسريجة والميك اب ويعني فيها شوي حركة

snow_queen .. اذا فكرتي مو عاجبتك .. احتفظي بهالراي لنفسك .. ومايحتاج تتريقين ..ولا عطيت الفكرة لك علشان تتكلفين تردين علي وعلى كل بنت كتبت فكرتها كأن الموضوع موضوعك
ولما اعطي البنية فكرة فيها تعري او حرام تفلسفي وردي .. اما فكرتي ساترة استر من عباتك لانها حتى ماتبين معالم جسمها .. والهودج اللي تتريقين عليه ركبوه امهات المؤمنين لمعلوماتك !!
واذا كان قصدك الخير في نصايحك ارجوا استخدام اسلوب افضل لذلك