ايش تاخذ العروس معها من اغراض لبيتها؟/// قديم

وينكم يا حريم ويا عرايس

وش دعوه محد رد

انا لا حرمه ولا عروس ولا ادري وش السالفه
بس حبيت ارفع الموضوع واقولك الي اعرفه
واهو طقم للحمام والغرفه
وياخذو مواعين خفيفه مثل كاسات والجيكات تبع المويه
وشوية خرابيط بسيطه
هذا الي اشوفه والباقي ما ادري عنه
تحياتي

والله ما ادري عن الناس وعوايدهم بس احنا عندنا العروس ما تاخذ شي للمطبخ هو عليه المطبخ كامل
حتى الحمامات ما تاخذ شي ممكن تساله عن الوانها وتجيب مناشف بس
تاخذ شراشف وسجاجيد صلاه
ومبخره وعود ممكن
بس هاذا الي عندنا والله اعلم
هي ملزومه بنفسها مو بالبيت

حلووو بالعكس احلى شي تحط لها لمساتها البيت لان البيت مملكة المراة
حلو لو تاخذ مزهرياااات الان فيه اشكال حيل فخمة انا اخذتها من قصر الاواني اللي ع طريق خريص
وبعد تاخذ معها لوحة صغيرة تشوف لها مكان طبعا انا قلت صغيرة عشان احتياط لو كان البيت مايحتاج لوح
واهمممم شي اهم شي
هو غرفة النووووووووم
تجهزلها الاتي
1-شمعدانات 2-3 يفكون تلقاهم بلايف ستايل ستي ماكس
2-شموووع باشكال فخمة بعد بتلقاهم بلايف ستايل وستي ماكس
3-فواحات عدد2-3 وحده لغرفة النوم والباقي توزعهم ع البيت
4-مفرش للسرير تاخذشي فخم وحلو وعلى ذوووووووووووقها اهم شي
5-بالنسبة للتسريحة خليها تشتري صياني خوص نعومة تصف عليهم العطور مرة تعطي شكل مرتب وحلو
وبعد تشتري تعاليق الاكسسوارت تعطي نعوووومة ومنظر تحفة للتسريحة ..
تعليقات الاكسسوارات بتلقى اشيا حلوة عند محلات تغليف الهدايا بالرياض مول بس لازم تدورها بكم محل مو كلهم عندهم بعد بالرياض مول فيه كشك خشششبي واضح شكله ومرا يجذب حول الملاهي عند بوابه واحد قريب لها هذا الكشك خيااااااااالي عنده تعاليق اكسسوارات وتحف واشيا حيل تجنن وبضاعته اخبره من اكسسوارات الصين الحلوة

اما الحمام يكفيه طقم المغسلة حق الصابون وكذا وشموع مناسبة لالون الحمام

والله يووووفقها يارب