ايش تجهزون للعيد (غير الاشياء الشخصية)

امممم احنااا مانجهز شي ...
لان العزيمة تصيررر في بيت خوال ابوي .. احنا نقوم الصبح نصلي العيد نرجع البيت نتقهوى وناكل حلاوة العيد مع بعض .. وبعدين نبدأ نتجهززز ونتكشخ ونروح لبيت خوالناااا .. وناكل ذبيحة العيد عندهم .. هم اللي يجهزووون الحلويات وكل شي الله يسلمهم ..
ونرجع البيت على حوالي 2 الظهررر .. اذا فيه طلعه طلعنا واذا مافيه حطينا روسنا ونمنا لان اليوم كان حااافل .. وبعدها المغرب او الليل يمكن نطلع او يجوون الجيران يسلموون على الوالده وهكذااا ... يسلمووو

الصبح نعيد مع بعض ..
ونفطر وناكل الحلاوة والوالد الله يطول عمره ويفرج همه يعيدنا .
وطبعا لازم نكون كاشخين ونسلم على بعض ..
والجوالات شغالة وابوي واخواني جالسين معنا وعيونهم في الجوالات يقرون ويرسلون ويكلمون ويردون ما شاء الله ..

واحنا البنات نجلس ننتظر لين يجون جاراتنا وبعدين نشيل ملابسنا ونكون ميتين من النوم لأننا على نظام رمضان وسهرانين نجهز ونرتب ..
ويستمر العيد طول شهر شوال ما شاء الله ننتظر احد يودينا نعيد على الناس أو المسافرين يعيدون علينا إذا رجعوا..
وخلاص
بس بهجة العيد في الساعتين الأولى وقت التكبيرات والصلاة ووقت رجعة أبوي واخواني من الصلاة وجلستنا سوى ..
ويارب يكون هالعيد وكل الأعياد الجاية واحنا مع ابوي وامي والله يجمعنا على الخير وينصر أمة محمد ويفرج هم كل مهموم يارب..

..................................................