ايش تجهيزاتكم للعيد

الملابس جاهزه للعيد والترامس أخذتهم جدد للعيد بس باقي المكسرات والفواكه والحلا مانأخذهم الا ليلة العيد أول يوم نجتمع في بيت أهلي حنا الحريم عشان أبوي كبير العائله أما الرجاجيل يجتمعون في مجلس العائله وثاني يوم العيد نعايد الجيران والمعارف ثالت العيد بيكون زواج ولدي خلاص يصير الكل يجون يباركون لأهل المعاريس وأنتهى العيد على كذا وكل عام وأنتم بخير

الحمدلله الملابس جاهزه بس باقي اطلعها
واغسلها واكويها واعلقها والعبايه كمان
وليلة العيد بالليل ابخرها بأذن الله
هالايام بروح مشغل اقص شعراتي
وعلى ٢٥ بسوي لي حمام مغربي بالبيت
وبوديكير ليديني ورجولي
وليلة العيد وحماس العيد مايحتاج الكل يعرفه 😂
وصباح العيد ان شاءالله اروح عند اهلي
لان زوجي مسافر وارجع الظهر وانام للعصر
وبعدين اذا بطلع وبالليل نوووم
وثاني العيد جمعة العائله بالليل
وخلاص

الحمدلله الملابس مشتريتها وخالصه بس باقي اغسلها واكويها، باذن الله يوم ٢٧ او ٢٨ بروح المشغل بسوي علاج التقصف لشعري وبصبغه وبسوي بدكير ومناكير ادلع نفسي /واكيد عيد الفطر بالنسبه لي يختللف كثير عن عيد الاضحى عيد الفطر اجواءه حلو اكثر،معروف عندنا اول يوم اروح مع امي وخواتي مشي نصلي صلاه العيد وبعدين نروح الفطره(جمعه فطور مع الحاره كامله)وبعدين كل وحده تروح تعيد وارجع بيت اهلي عشان يكون العيد عندهم واجلس لمن بعد الغداء وارجع بيتي انام لمن في الليل واصحى نروح نتعشى ونتمشى انا وزوجي وباقي الايام نفس الشي نعايد الظهر والليل نتمشى

باقي مااشترينا للعيد ..
لاكن مثل كل سنه اول العيد الصباح فطور ببيت عمي حريم و رجال و الظهر نوم و من العصر نطلع عوائل كل عمامي باستراحه و نتعشى فيه ...


وثاني العيد نطلع للقرايا الى رابع العيد فطور و غداء و عشاء ...

الحمدلله مجهزه الفستان اللي البسه في صباح العيد عنداهل زوجي اخد معي قرصان وقهوة نفطرعندهم وبعدين نووم ثاني يوم وثالث يوم نخرج مع سلفاتي واهل زوجي في اي منتزه ونتعشى وننبسط ان شاءالله. كل سنه اروح لاهلي بعد مانخلص عيد مع اهل زوجي هذالعيد مادري اروح ولالا.لأن اهلي في منطقه ثانيه الله يبلغنا ليلة القدر ويجعل عيدنا سعيد