دفى شمس

ماشاء الله عليك هداياك مبتكرة بصراحة شوقتيني اعرف اكثر عن افكارك للهدايا

سحر المحبه اخجلتيني..
خواتي لما ولدوا شريت لهم سلال وأنتي الكرامه مثل شكل الزباله..>>> أبو الوصف الزين!!!!
وحطيت داخلها لك وحده قميص نوم +روب حمام للبيبي من بي اتش اس وفوقها صندوق صغير على راسه دب وداخله فلوس..ووراه كرة الي يكون كبير وفيه موسيقى.,,وغلفته بالسولفان والشرايط..
وان شاء لما افكر اهدي بقول لك ايش سويت..

والله انا انوع مابين (( سواره ذهب للبنت ,, او طقم عطر للبنت او الام,,واحيانا ملابس
,, ومره اهديت وحده دبدوب حاطه في يده سواره
ومررره شريت صندوق وحطيت فيه العاب للمولود وعطر للام
احلى هديه جتني سله كبيره مررررررررره مليانه كلها حق غرفه المواليد
يعني شرشف النوم ومخده .. وحق تغير الحفاظ.. وصناديق العاب المولود.. وحواجزالسرير
وسله للملابس الوسخه واغراض كلها من ايكيا حق غرف الاطفال وبس.......))

السلام عليكم ورحمة الله وبركاته اختي الهدايا متنوعة وكل واحد وذوقه وذوق اللي راح تهدينها الهدينة يعني في حريم ما يحبون الا الذهب وغيرهم لأ. الهدايا اذا المولودة بنت ممكن ذهب أبيض تعليقة مع خاتم او سوار بيبي او بروش مكتوب عليه اسم البيبي او عليه ذكر الله سبحانه وتعالى وممكن تهدينها طقم للمولودة يعني لبس مع حذاء وسيدرية وجوارب وكده يعني وممكن تهدينها اجهزة لليبي مثلا لكرسي الهزاز او كرسي للأكل يعني مو شرط ان الهدية يتعلمونها الأهل علطول ممكن بعد الحباس أو اي شي ثاني من احتياجات البيبي طبعا لو الأم وايد قريبة لك ممكن تسألينها شنو اللي ناقصها وتجيبين لها وبالنسبة للمولود البيبي نفس الهدايا ماعدا الذهب مع اني شخصيا وعند أهلنا عادي حتى الولد ممكن نهديه ذهب أبيض وبروشات وجذيه وعندك بعد شغلات جاهزة تنباع في بي اتش اس وموذر كير وديبنهامز مثلا يكون فيها ألعاب ولبس وشغلات كيووت للبيبي . طبعا هالهدايا ماتغني عن الشوكالاته المميزة أو الورد. واذا الهدية للأم ممكن تهديها قميص نوم راقي مع عطر او طقم عطر وبودرة ولوشن للجسم بس يكون شي راقي وممكن طقم ماكياج من ماركة حلوة يعني هالسوالف.

دفى شمس

ماشاء الله عليك بجد منتظرة جديدك.. واسمحي لي الطش من افكارك لان جديد طلعت اختي حامل باول بيبي وقبلها زوجة اخوي


==========================

1414

اسمك غريب اكيد لهذي السنة ذكرى عزيزة عليك..
هدايا جديدة فرش غرفة المولود برضه حلووووة لما تكون الوالدة تعز عليك..

===========================

hamhan

عارفة صعب ترضي جميع الأذواق وخاصة اذا كانت علاقتك بالوالدة رسمية >>اخت زوجك او مرت اخوه<< احس اختيار الهدية هنا ازمة بالنسبة لي لو اختك اوصاحبتك او حتى زوجة اخوك عارفتيهم وعارفه اذواقهم وتقدري تهديهم او حتى تساليهم شو اللي ناقصهم يمكن هذا اكثر شي حيرني؟؟