اختي كهرمانة منشمه..انا فعلا مثل ماقلتي باخفف النور كثير..وباقول جاء وقت النوم..لكن بما ان الاب يكون صاحي عند التلفزيون..لغاية ما يناموا..لانه لو جاء للفراش معهم ممكن ينام حقيقي..لما الولد يشوف ابوه صاحي يقولي انتي نامي وانا بروح العب عند بابا..:27: :27: ..مدري مين اللي بيلعب عالثاني..لكن تدري شكلي باخلي زوجي يجي معنا ويسوي نفسه نايم فعلا..:26:
جزاك الله خير على افكارك الحلوة..

اختي امل الروح..تقريبا انا اسوي مثل ماقلتي..واشغل اذاعة القران على الصوت الخافت..واقوله راح اكمل شغلي بالمطبخ وارجع انوم..احدى امرين اما انه يجلس يبكي بصوت عالي ويصحي اخته..او يجلس يحوس بالغرفة بالتسريحة حقتي..والا طوالي يروح لفراش اختة ويقعد يصحيها ماجي الا على صياحها قايمة من النوم..
فالحل الافضل انه ما ينترك بروحه في الغرفة..

اما حلك الثاني فعلا افكر فيه..وانشالله السنة الجاية راح اسجله وبكذا يكون عمره 3 ونص..وانشالله يقبلوه..احسه راح يندمج حيل لانه يحب اللعب الحركي..وهالحل راح يحل ازمة لاني اشوف اولاد اخواتي اللي يدرسون ما تجي 10 بالليل الا وهو بالفراش..:17:
جزاك الله خير على اقتراحك..

اختي السيدة ماما..ماقدر الناس يختلفون..قلبي ما يطاوعني..لكن من كلامكم شكلي بابدا اطنش على خفيف..وماشالله عليك عيني عليك باردة..انا دايم اقول ماراح احصل وقت لنفسي الا ليما يكبرون..:17:
جزاك الله خير على المتابعة والرد..
:26:

اختي لمسة حب..ذكرتيني..تجي بالليل طلبات غريبة..ماما ابغى رز..ماما ابي اكلم جده..ماما انتي زعلانه علي..بس يبي يفتح مواضيع للكلام..وانا اسحب البطانية واغطي راسي وهات ياطناش..لحد ما يمل..
اما في النهار ساعات اسوي مثلك اعطية العاب كثيرة وافتح له افلام كرتون واقول راح انوم اختك لاتجي.."طبعا ماقدر اتركها عنده يعمل فيها عمايل"وادخل واسكر الباب طبعا يجلس عند الباب ساعات الاقيه جالس عالوطاية عند الباب وكل شوية يقول ها نامت والا لسه..وساعات هات ياصياح وضرب الباب..بس شكلي من كلامكم راح ابدا اقوي قلبي واطنش البكي شوي..:27:
جزاك الله خير على ردك ونصايحك..وفعلا بعض الناس بعد الحمام يتنشطون من جديد..وانا منهم..:17:

اختي كيوت قيرل..مثل ماقلت راح احاول مع انها صعبة لان قلبي رهيف..بس شوي وشوي..اولها راح اطنشه عشر دقايق بعدها اطلع واسوي انه صحاني من النوم واني زعلانه وابي ارجع انوم ليما يتعود..
جزاك الله خير واصلح اولادنا اجمعين..:24:

ام فوفو
:27: :26:

أم فوفو

الله يعينك يارب ويساعدك...حاولي مثلا ما تعشيهم شي فيه طاقة زي الحليب والكورن فليكس

وقريت في كتاب انه اذا جبتي دب ولبستيه بلوزة من عندك الطفل بيحتضن الدب وينام..حاولي تخليه جنبهم..وافتحي قرآن عندهم واقري عندهم قصة واوعديهم اذا ناموا بكرة بتسويلهم أشياء كثيرة ومن هالقبيل

السيدة ماما

معليش بس حبيت أنبهك لخطر حبسهم في الغرفة لا قدر الله لو صارلهم شي ولا حاجة...يعني خلي بابهم مفتوح شوية ومن ناحية ثانية..ناحية الخوف..يتربى فيهم أو تتكون عندهم قناعه انهم مو كويسين عشان كذه ينحبسوا في الليل

:24:

اختي..nouha161..حياك وشكرا لمرورك..

اختي بشاير..بالنسبة للاكل اعشيهم حاجة خفيفة اما ساندويش..او فاكهة..وغالبا يشربون حليب قبل النوم لانهم صغار ..اما بالنسبة للدب فانا ضد هالشئ اصلا ماحبهم يحتفظون بالاالعاب والدمى المحشوة..لاني اخاف من انها تمنع دخول الملائكة للمكان ..ولخوفي من تعلقهم الشديد بها..
وانا فعلا افتح غالبا على اذاعة القران والحمد لله الوضع في تحسن انشالله صرت اصحيهم الساعة 9 وصاروا ينامون على 12 باليل نعمة..
كلامك للسيدة ماما فعلا على حق..انا دائما قبل لااسوي اي شئ افكر في عاقبة هالشئ على نفسياتهم..وهل لو صار لهم شئ التقصير حصل مني؟؟لانهم امانه في اعناقنا..