اختي نعومة بس عصبيه..والله ذكرتيني لما جبت ولدي الاول جنني جنون..اغلب الايام انام بدون عشا..احط العشاء لزوجي والولد مشغل السفتي..واروح احاول انومه واجلس معاه ساعه او اكثر واخرتها انوم معاه من التعب..

اختي صيد الخاطر..لاتزعلين علينا انا موقصدي انك قاسيه..بس انا من النوع الرحوم..ماقدر استمتع بشئ وانا اسمع احد منهم يبكي..حاولت وماقدرت..وعلى العموم الموضوع صار له وقت والحمد له صار تحسن في الوضع عندي..صرت انومه بدري شوي على 12 تقريبا..هذا البدري..وطبعا يصحى على 9 او 10 الصباح..اقوم وافتح له على المجد..وارجع انوم ليما ياذن الظهر..لاني غالبا اكون سهرانه مع البنت لان نومها صعب شوي..

اختي المسافرة..ياحليلك..تصدقين اشياء كثيرة ماقدر اسويها الا اذا ناموا..حتى كوب الشاي ساعات اسويه ويبرد ويخرب ما ذقته..ماروق وافتح النت او اكل شئ احبه او اقرا..الا اذا خمدوا..
اختي سلسبيل..ولدي لسه عمره اللحين ماكمل 3 ونص باقي له ايام..والروضه اتصور اقل شئ يقبلون عمر 4 سنوات..بعدين ابوه مو راضي يقول انتظر له سنه بعد علشان ندخله تمهيدي وبس..

أختي أم فوفو .. هو غصب يبكي عند الباب يبي يدخل .. يشوفها غرفته وله حق فيها .. جهزي له غرفة وسرير وتلفزيون قناة المجد .. علشان يطالع اللي يبيه في غرفته وانتي مع زوجك في الصالة ..

والله يعينك ويساعدك على تربيتهم ..

حبيبتي ولدك بهالسن تلاقين له العاب حركيه كثيرة فيه الحين بلاي ستيشن بحركة الطفل يوقف على الفرشه ويربط بيده شغلات ويصير هو يتحرك ويلعب وفيه كمان بيت الكور فيكي تجيبينه له وبعدين انتي حاولي تصحينه من الصبح قبل الساعه 11 وفي الليل لا بغيته ينام لازم كل شي يتسكر وخلاص نوم حتى لوقالك ابغى العب عندكم قوليله طيب العب يوم ورى يوم بيمل وينام هو من حاله من الطفش والتعب بس اهم شي من بعد المغر انتبهي تعطينه شي فيه سكريات او حلويات او حتى عصير لأنها تعطيه طاقة والله يعينك

انا انصحك بالروضه
اما بالنسبه لي فابني عمره ثلاث سنين الساعه 8 او 8 ونص اخذه للغرفه واطفي الانوار تماما ونتمدد وخلاص نوم وهو يظل يتحرك لحدما ييائس اني اسمح له يخرج لاني لو سمحت له يخرج مره فهو رح يستحلي الحكايه ...المهم نظل كذا لحد ماينام ..
ويصحئ علئ الساعه 8 اوسبعه ونص الصباح نقوم سواء وهكذا ..
وبالنسبه لي فانا انام الساعه 12 الليل علشان اقدر اصحى معاه ..

انا يالغاليه عندي خطه دايم اسويها عندي بنت 5 سنوات وولد سنه ونص اشتريت لهم مسبح اعبيه لهم مويه قليله واحط الالعاب
واقلهم يالله العبوا بالمويه لين اجيكم وانتبهي لاخوك <===== خخخخخخ خطه جهنميه تجيب معي نتيجه
او اذا ما ابغاهم يتسبحوا اوديهم عند اهلي اكون مخططه يعني يكون لهم كم يوم ماشافوهم يوم يومين وبعدين اوديهم يكونوا مشتاقين لبعض ويطولوا عندهم خخخخخخخخخخ مدبره عمري