ايش تشتروا لاطفالكم من السوب ماركت؟

السلام عليكم ورحمه الله وبركاته

اهلا وسهلا فيكم اخواتي
حياكم الله في الموضوع هذا اللي اكيد يهم كل ام

طبعا كلنا نروح السوبر ماركت وشوفي عاد الاطفال ايش يشتروا انا عني ولدي ياخذله من السلات الصغار ويعبيها حلويات وبسكوتات وبطاطس واشياء مي مفيده بالعكس الا تخرب الاسنان وماتنفعه بشي


طيب ايش رايكم كل وحده تكتب الاشياء اللي فيها فايده ولو نسبه بسيطه طبعا احنا مانقدر نمنع اطفالنا انهم يشتروا واحنا كمان نبغى نشتريلهم بس نبغى شي مفيييييييييييييييد

يعني مثلا انا اجيب لولدي عصير داناو اللي هو عصير بالحليب مكتوب عليه يحتوي علىكالسيوم وخمس فيتامينات
عشان كذا حسيت انه افيد شي بس صارلي فتره طويله ماغيرتله هو اذا في شي اخر مفيد ياليت تقولولي


واجيبله كمان حليب بالفراوله وحليب بالموز بس ماعجبته

نفسي اجيبله من صافيو حليب بالشوكولاته يقولوا انه يتخن ماادري صح او لا

اما كورن فليكس طبعا كلنا عارفين انه مضر عشان كذا مااشتريله هو

واجيبله كمان بسكوت الشاهي من اولكر بس مايحبه

وجبتله كيك سويسرول بس ماحبه

ايش رايكم في شوكولاته نيوتيلا اذا حطيتها له في خبز زي دعايتها ماادري كويسه او لا؟

طبعا اخذله سيريلاك بالقمح وكمان حليب نيدو

وكمان اجيبله الشعيريه بالدجاج من ماجي احيانا ياكلها واجيان لا ؟

وكمان حليب السعوديه يحبه بس ماادري ينفع او لا ؟انا اصلا مااجيبله هو كثير

وحليب الصافي اجيبه احيان

ها بنات نبغى ناكل عيالنا اشياء مفيده ساعدونا


يمكن تجيي وحده وتقول طيب الاشياء هذه مافيها فايده زي اكل البيت بقولها هذه الاشياء الطفل بيجيبها يعني بيجيبها بس لو نجيبله شي لو حتى نسبة فايدته بسيطه افضل من شي مضر او مافيه فايده صح



لاتطولوا عليي بنات