ايش تلبسي اطفالك اذا رحتي عند اهلك؟؟؟

امكن سؤالي شوية غريب بس حابة اعرف كل وحده كيف طريقة تفكيرها في تلبيس اطفالها

اذا راحت عند اهلها...

انا بأبدأ بنفسي...

قبل كم سنه كنت البس بناتي لبس عملي يعني بناطيل جنزات وتيشيرتات والف شعرهم وااااااااااحد

بحجة انه مافي احد غريب عند امي

وطبعا كنت اخبي الملابس الكشخة <الماركات الغالية>في الدولاب لأنتظار اي مناسبة مثل < عيد -

سابع- عزيمة كبيرة ملكة عائلية>



ولكن اكتشفت انه المناسبات ما تتعدى الأربع مناسبات تقريبا في السنة..

وطبعا راح تصغر عليهم الملابس وهي لسع جديدة يعني ما اتهنو فيها , وحتى كمان كنت اصدقها

على المساكين وهي لسع جديده

وبعدين فكرت وفكرت <<<< ترى متعوب عليها هههههههههههه

وقلت حرام احرمهم الملابس الجديده بحجة المناسبات , وبالطقاق والله البسهم واهنيهم

وامتعهم اهم شيء هما, وصرت اشيكهم والبسهم لبس الخروج اذا رحت عند اهلي وحتى كمان

في السوق برضه اشيكهم كأنهم خارجين حفلة مع انه اول كنت البسهم جنزات وتيشيرتات

وبكلات مطاط عاااادية

وحتى البكلات اللي اشتريتها من اكسسواريز صرت البسهم اياها في السوق

وعند اهلي < بس عيني عليها خايفة تنقطع>

وطبعا اذا صغرت الملابس عليهم يصير خلاص البسهم اياها في البيت لمن مرة تضيق عليهم

أول كنت استحي البسهم ملابس صغيرة عليهم في البيت.. وكنت انزل اشتري

لهم لبس بيت عشان يتبحبحوا فيه , لكن دحين خلاص عادي بيلبسوا في البيت الملابس الماركات

اللي تصغر عليهم لمن تتقطع

هذا رأي في بناتي

اعطوني ارائكم في ابنائكم

لو سمحتم اللي ما عندها رد ياليت ترفع لي الموضوع