ايش تنصحوني اسوي تعبت 11 سنه

السلام عليكم يا اخواتي ...
انا من قبل 11 سنه كنت انسانه غير و الان انسانه اخرى فرق في حياتي كبير هي اصلاً كانت سيئة مع اهلي بس لما تزوجت زادت سوء و دمار مو طبيعي المهم مالكم بالطويله بختصر الحكايه و ابي منكم تنصحوني ايش اللي بينفعني انا و عيالي الله يسعدكم و يكتتب اجركم ...


اولا : انا انسانه مقطوعه من الصديقات و الناس القريبة مني مره حتى اهلي ما يزورني بيتي ولا يسالون عني اذا انا ما دقيت عليهم هم مره ما يسألون عني ولا يدرون ايش حياتي مره لا تقولون فيه سبب لا طبيعتهم كذا البنت اللي تتزوج ينسونها و لا كانها انخلقت حتى .. حتى لو طلبتهم في مساعدة ما يوقفون معي يقولون زوجك موجود و يكرشوني و انجرح منهم كثير رغم اني ازورهم و اوقف معهم و راعية مواجيب لكنهم والله ما يبوني ولا يبون اولادي اجيبلهم هدايا و اكل و قهاوي والله ما عمري دخلت عليهم و يدي فاضيه


ثانياً : زوجي وليتكم تعلمون ماهو زوجي للاسف .. سليط اللسان نكدي اذا شافنا مبسوطين راح يضرب بناتي عشان ينكد علينا و اذا دافعت عنهم يتسلط عليه انا و احيانا يمد يده عليه احيان اقول ربي بيهديه و احيان ما اسكت و ارد لكن اذا رديت زادت حياتنا سوء و قهر نفسي و يسحب علينا و يقهرني يضرب بناتي و يتلفظ عليه و يقذفني عالطالع و النازل و يسبني ان اهلي ما يدخلون بيتي و انهم ما يدرون عني و انه متفضل انه تزوجني رغم اني بنت اصل و فصل و مستواي التعليمي اعلى منه و مستواي الاجتماعي اعلى منه و فوق كل هذا عايشه معه بسجن مميت و قهر نفسي و متحمله عشان بناتي اخاف يروحون لاهلهم و يذلونهم طبعا سبق و انفصلت عنه لانه طردني من بيته انا و بناتي و رحت لاهلي سنه كامله و و اطالبهم يوقفون معي ولا فيه اي استجابه لي بالعكس ابوي وقف ضدي و بنفس الوقت يشجعني اتطلق عشان زوجي اقل مني اجتماعيا لكن ابوي سيء التعامل معنا مره مره و لا يبي بناتي معهم الا بالعكس لما رحت عندهم قال البنات مالهم قعده عندنا بنات الناس يروحون لابوهم و اخذوا بناتي و عطوهم ابوهم اللي طبعا رماهم عند امه و خواته و كل ما زاروني القى اثار الضرب عليهم من عماتهم و عمهم المتخلف كان يضربهم .. شفت حياتي زادت سوء و تنازلت و رجعت بيت زوجي رغم انه دفع رضوة و كل شيء و رجعنا لبعض و بناتنا بينا بس للاسف لا زال على وضعه لسان و قذف و سجن و ضرب و اهانات .. تعبت معه بشكل مأساوي تخيلوا البس و اكشخ له و اسوي له اصناف الاكل و ابخر البيت يقول انك مشعوذة و اشغل فواحات و اهدية و احاول افرحه و كيكات و حلى و اتعب يجي يقول كلي انتي و البنات و يطلع من البيت يتمشى او مدري وين يروح اصلا و جواله دايما مشغوووووول .. والله ان اخرتها الان قبل يطلع سويت له شاي و فشار و مكسرات و هيأت له المكان عشان يتابع مباراته بهدوء و بعدما شبع نكد علينا و زعلان و يقذف و يسب و رافض يطلقني .. رفعت صحيفة دعوى في المحكمه و لا زلت انتظر مع اني فقيره ولا اقدر اخلعه لكن بحاول لكن للعلم انا عاطله ولا عندي اي استطاعة ماديه اني اخلعه او افك نفسي و بناتي من هالحياه البائسه .. كتبت موضوعي هنا لاني ادور حل تعبت اصبر 11 سنه مع زوجي و قبلها 18 سنه مع اهلي و عاداتهم و تقاليدهم اهانات و ذل و لا لقيت وظيفه تسترني انا و بناتي و تفكنا من تسلط الرجال من اهلي و من زوجي و نعيش بهدء و سلام .. عطوني حل يمكن احد منكم يقدر يفيدني بكلمه او نصيحه اقدر اعيش او القى باب امل يريحني من هالحياه لان والله تعبت و بديت افكر بالانتحار فعلياََ و لما اشوف بناتي و يلجأون لي و يقولون ماما و يصرخون اضعف و ينكسر قلبي اتردد و استغفر و اصلي اقول من يبقى لهم لو رحت انا و اقعد ابكي و ادعي ربي ..


تكفوووووووووووووووووووووووووووووووووووووووووون ساعدوني بنصايح او حل او طريقه اقدر اعيش في بيئة سليمه انا و بناتي