ايش تنصحوني وتفيدوني

عزيزتى...نبع حناني...

بصراحه اكثر المشاكل الى نسمعها بين الزوجين بسبب ام الزوج واهله
طبعا ام الزوج امرأه كبيره فى السن ربت وتعبت وتحس ان زوجت ابنها
اخذت فلذة كبدها يعني انتى عزيزتى حطي نفسك مكانها تبي عنايه
ورعايه ويمكن دلع من ولدها الى تعبت عليه يمكن تشوفه مدلعك وهى تفتقده
وتحاول انك تكونين قريبه منها لهذا تبيك دايم معها فى قربك منها يقرب ولدها لها
اكثر بحكم انك الان زوجته واقرب شخص له يمكن هى ماعندها بنات ولا بعاد عنها
حاولى تتقربين منها اكثر يمكن تتحسن معك والله يكون بعونك ويفرج عليك..

حاولي تدارينها بقدر إستطاعتك
هذي مهما كانت ام زوجك وجدة اطفالك

يعني كسب محبتها لصالحك انتي اولا واخيرا ً

..

.

تحمليها لخاطر الزوج وحاولى تكسبينها بالطيب ولابد تتغير اسلوبها معاج مثل منتى عارفه الكثير من الأمهات يحسون بالغيره اذا تزوجوا اعيالهم يحسبون ان الزوجه اخذته منها ..اصبرى حبيبتى وادعى ان الله يهديها ويتحسن معاملتها معاج.....

شكرا حبيبتي الروح الطيبة والمتغلية ودرة البحر على ها الكلام الطيب
وانا راح احاول ان شاء الله
دعواتكن...............

حبيبتي تذكري ان (رضاء الناس غايه لا تدرك)
والله مهما سويتي لها ما راح ترضى بالي سويتيه او حتى تقولك كلمه تبرد الكبد
نفس حياتك نفس معاملتها معاك نفس الي انتي تسوينه انا اسويه مع ام زوجي والله انه 5 سنوات والى الحين ما رضت تعبت تعبت نفسيتي زيك اروحلها كل ثلاثه ايام احاول ارضيها بس اضرب الماء وهو ما وبكل وجه تتصل على امي وتشكيلها مني ما تجينا ما تسلم علينا قاعدة في بيتها مثل الجني وكل هذا الكلام تقوله لامي وانا جالسه الحين عندها
بس اخر شي قلت الحين ليش ما اريح راسي من هذا
واذا هي ما رضت بعد هذا الي سويته لها وش بعد تبيني اسوي تعبت
اخر شي والله والله اني قمت اقوم بالواجب وبس سلام وعليكم السلام كيف حالكم يالله مع السلامه واروح للبيت
انا ماني فاضيه اقعد عندها وراي عيالي وراي زوجي وراي عزايمه وزوجي ما شاء الله عليه مجلسه عامر
لا وأول ماتزوجت كنت ادرس والكليه كانت بعيدة من بيتي 100 كيلو وكنت اجي من الكليه العصر وطيران غداء زوجي يادوب انا م ساعه وبعدها بسرعه اغسل وجهي والبس واروحلها وكاني في مدرسه
اخر شي اذا جاو بناتها يروحون قالتلهم الله يستر عليكم وانا والله ما قالتها لي
يالله يابنت الحلال اذا انتي بتقعدين على هذا الحال بتتعبين وتضيقين خلقك عطي عمرك العافيه وقومي بالواجب اليي يرضي رب العالمين وبس رضت ما رضت بكيفها
طولت عليك بس والله اني احس اني بردت كبدي شوي في موضوعك