ايش رأيكم (موضوع للنقاش)

السلام عليكم ورحمه الله بنات هل انتم مع الراي الي يقول جيبي اولادك وراء بعض ترتاحي ام مع الي يعملوا فرق ومسافه بين الولادات
انا لما خلفت الولد الاول كنت عامله حسابي اني بجلس فتره واخلف بس شاء الله وحملت اذكر اني بكيت وكان كل همي مشاعر الطفل الاول كنت متعلقه فيه كثير اذكر هذك اليوم الي عرفت اني حامل رحت اشتريت له سياره ومسبح وشلت هم كيف بيسوي لمايشوف اخوه وهو متعلق فيني زياده لما ولدت الثاني كان عمر الاول سنتين ونص وتأثر من اخوه وصار عصبي ويدف الابواب ماتوقعت يتاثر كذه للان مايطيق اخوه
ايجابيات الخلفه وراء بعض انه تعب واحد يعني جبتهم وراء بعض وتعبت بس بعدها ارتحت وكبروا سواء والبسهم احيانا سواء ويلعبوا مع بعض مع ان نص لعبهم مهاوشه بنت خالتي فعلت بينهم فرق اربع سنوات الايجابيه بهذا الشيء ان الكبير فرحان بالصغير يعني اعتقد الغيره تخف بس السلبيات قالت تعبت لانها جلست فتره مرتاحه ويجيها المولود وهي قد تعودت الراحه والنوم
بالنسبه لي من سلبيات كمان الخلفه وراء بعض انك تهملي الزوج ونفسك واكثر الازواج انانيين مايراعوا تعب الزوجه يبغى بس مصالحه ومايراعي ان سبب للتقصير هو اولا الوحام وتعبه والغثيان ومسؤليه الطفل الاول اتذكر بحملي بالثاني زوجي تغير فتره وكان قاسي معاي ماكان زي الحمل الاول الاهتمام والمراعاه ياريت الازواج يحسوا بتعبنا وبعدما ولدت تعدل طبعه الحين لما يقول احملي ما ارضى قلت له الين تتعدل اوضاعك وتتحمل ازعاج الاولاد رغم ان نفسي ببنت بس صحتي اولى لانهم متعبين جدا...
انتو كيف سويتوا هل عملتوا فرق بين الولادات
انا رأي الشخصي اول اثنين مثلا يكونوا وراء بعض وبعدين ترتاحي فتره ولو اني بفتره تعبت وندمت بساعتها لاني قيصري بالاثنين واهلي بعيد عني بس بعدما كبروا وتنظم نومهم وشفتهم يلعبوا مع بعض ويلبسوا سواء انبسطت والتعب منسي