السلام عليكم ورحمة وبركاته
ترى ما اعرف للمقدمات وحدخل بلموضوع على طول وابغى نصائحكم ليا لاني مالي غيركم بعد الله
وبلييز لا تخيبو ظني فيكم انا متزوجه من 3 سنوات ولسه ماجبت عيال زوجي معيا مره طيب ويخاف الله فيني
وطبعا الحياء لا تخلو من المشاكل على قول ماما هيا ملح الحياء يعني في مشاكل بس نتعداها مع بعض
المهم قبل سنه زوجي ترك العمل بسبب مشكله سوها مع المدير وطردوو وعشنا مع بعض على الحلوه والمره ولا اشتكيت ولا فكيت فمي لي احد لا اهلي ولا اهلوو
وقعدنا شهرين وشووي على حال لا يرثه لها ولمن جاء فرج ربي واتوظف براتب بسيط جدا بس شيئ احسن من ولا شيئ
واستمر 4 شهور على وظيفته وجات ترقيتو على الدمام وقرر يروح لنحسن مستوانا وبرضو يرتاح من اهلوو
ربي معطيه اهل الحمدالله على كل حال امو شيئ لالا يطاق طبعا ما اقدر اتكلم قداموو اتخيلوو كان راتبو 2200 وكانت تاخذ 500 غصبا عننا ولا تقلو انا غضبانا عليك والله لا يوفقك وكلام الله لا يوريكم وانا كنت اقلو اعطيها الواحد ايش يبغى غير دعوه حلوووه تنفعوو بدنيتوو معنها مهي محتاجه وزوجها الي هوا ابو مو مقصر معها
المهم راح الدمام قبل 6 شهور وسابني عند اهلي كان ينزلي كل شهرين يوم او ثلاث ايام
ويوم ماراح الدمام امو اتصلت وقالتلي انتي برضك ماحملتي ؟؟
مره اتعجبت من كلامها كان هجومي وانا كنت ابكي وحالتي حاله انو سافر وماحشووفو لمده شهرين وهي اتصلت تقلي منتي حامل
وهي قبل كدا اخذتني يمكن عند 7 او 8 دكاتره تكشف عليا وتحاليل ويقولولها مافيها شيئ وتبهدلني تقلي يعني ولدي مايجيب عيال قلتلها خليه يكشف قامت اعطتني كف وربي ما انساه قدام المستشفى وقالتلي ولدي رجال طبعا انا اول مره انضرب وانا مني متعوده على الضرب في بيت اهلي تفاهم ونقاش مهما كان السبب وكبرت على كدا بس قلت اكبر راسي واكون انا العاقله هادا الكلام من السنه الالى من الزواج والسنه التانيه راح حلل من ورى اموووو طبعا وطلع مافينا شيئ والدكاتر كلهم قالوو مسئله وقت
نرجع لاتصالها قلتلها ربي ماراد لسه قالت انتي فيكي عيب وربي لازوج ولدي ست ستك انا هنا طبعا انفجرت مع الضغط الي كان فيني من الايام والسنيين الي قبلها طبعا انا اهلي من عائله مستواهم فوق المتوسط وهو كان معيشني مستوى مره على قد الحال بس كنت اتحمل عشان كنت احبوو وقلت السعادا اهم من كل شيئ وعلى اهلو الحمدالله نقلت من عندهم بعد 3شهور من تزوجت وارتحت بس هيا قالت ازوجي وانا نزلت عليها هو قادر يعيشني عشان يتزوج انا عمري ماحسيت بجوع الا معاه كنت انام جيعانا وتاني يوم اروح عند اهلي عشان اكل المويه وهي المويه كنات تمر يومين مافي في البيت وانتو ولا عليكم لمن يجي يحكيكم كنتو تقوولوو واحنا مالنا دبر عمرك ولا رجعها بيت اهلها
المهم قامت قالت انتي قليله ادب وانا حربيكي واتصلت على ماما قالتها بنت تتصل تسبني وتهزئني هيا هادي تربيتك ماما قالتلها مو معقوله بنتي تسوي كدا بس خير انا اكلمها واشووف
جات ماما وقالتلي وقلتلها ايش حصل وقالتلي معليش زوجيك ينشرى وامو خذيها قد عقلها وماما طنشت الموضوع
وراحت تقول لي الجيران واقاربنا هو قريبي من بعيييييييييييييييييييييد اني ما اجيب عيال وولدها مستحملني
انا اتصلت وقلتلو وقالي حتى لوصح انا ابيكي ومستحيل اتزوج غيرك ولا يملي عيني غيرك واذا على الاطفال انتي طفلتي وين الاقي زيك متحملتني ولا شكت المهم انا انو كبر راسي وخلاني طايره من الفرح ينضحك عليا بكلمتيين
ومرت الست شهور وانا ببيت اهلي وجاء اليوم الي كنت طايره من الفرح ورحت معاه الدمام استاجرنا شقه مفروشه لمده شهر عشان نشووف شقه نستاجرها والعفش وعبال ماينزل بدل السكن وقلت يارب لك الحمد والشكر انفرجت عليا الا امو اتصلت قالتلو ابغى 3200قالها ماعندي قالتلو ماعندك وتطلع حرمتك الي مامنها فايده ولا تجيب عيال زي بيت الوقف ارسلي دحين الفلوس قلها وربي ماعندي يالله امشي حالي هادي الايام قالتلو بنت ابليس اسمي الجديد هههه اكلت بعقلك حلاوه المهم اعطها وريح نفسو من لسانها
ولقينا شقه يوم الربوع واتفقنا يوم السبت ناجرها ورحت شفت غرفه نوم وعربنا عليها وقلنا كل شهر نجيب شيئ شيئ
ورحت شفت الغساله والفرن وكل الادوات المهمه كنا حناخذها تقسيط وجا يوم السبت وانا طايره فرح
اتصل ابوه وقالو ابغى 8 الالف ريال قالو ماعندي قالو دوبو نزلك بدل السكن المهم وابوه بهدلو واخذها وجا قلي انا اعطيت ابويا بدل السكن كلو كنو كب عليا مويه بارده قلتلو ليش قال اتصل وبهدلني وقال والله اغضب عليك قلت يعني وفوق راسي علامه استفهام كبيييييييييييييييره قال ارجعي جده ماقلت غير اطلع برى قال ايشبك قلت اطلع من البيت دحين وطلع ساعه ورجع ولاقاني زي ما انا على نفس الوضع وربي انصدمت وكلمني وعيونو كلوها دمووع قال انا عارف اني ما استاهلك لو تبيني اطلقك اطلقك وشوفي حياتك قلتلووو مايمديني اجلس معاك قال وربي ماعندي ريال واحد عشان تقعدي فيه وفلوس التزكرتك اتسلفتها قمت لمين اغراضي والصبح طلعت المطار ورحت جده بابا استقبلني ورجعت لي بيت اهلي من تاني
لا انا متزوجه ولا انا مطلقه واحس لو اطلقت قوويه بما اني اول وحده اطلق بلعيله كلها وانا لسه صغير عمري 21
وبعد مرجعت جده اتصلت امو قالتلي جننتيلي ولدي الله ينتقم منك وشويه دعاوي انا رميت الجوال على السرير وطلعت من الغرفه وسبتها تتكلم ترى امو ماتتصل عليه الا اذا تبغى فلوس وماما تتصل عليه كل يوم تتطمن عليه تدعيلو وربي اهلو مايتصلو بشهوور الا اذا يسغو فلووس
انا جاني اكتئاب ومره بان عليا وبابا اخذني دكتور نفسي واعطاني ادويه للاكتئاب وماما شافتني على قولتها انطفيت
انا من النوع الفرفوش واتحرك كتير واضحك سرت بس ساكته ومسدوحه وما ابغى اشووف احد وفي هادا الوقت اتصلت اموو على ماما تقلها بنتك ماتبغى تجبلانا عيال انا زوجتو عشان ابغى عيال الا ماما قالتلها روحي حسبي الله عليكي تعبتيلي البنت ما اقول الا الله تشووفيه في بناتك قامت قالتلها وربي لاخلي ولدي يطلقها وانا اقول طالعه ملسونه على مين البنت وقفلت في وجه ماما
طبعا انا البنت الوحيد وعندي 6 اخوان اولاد وكلهم متزوجيين ومايعرفو شيئ عن المشاكل وماما وبابا مو عارفين كل شيئ
يعني رحت الدمام عشان ارتاح من اهلو لحقوني لدمام
الله يخليكم ويسعد قلوبكم ولا يحرمكم من ازواجكم ايش اسوي وماني قادره اصبر وابوه قهرني قهر عمري ما انقهرتوو
انا قلت ارجع بس بشروط
الي هيا مايعطي ابوه شيئ بذات اذا مابالغ كبير
وانا ما ابغى ارحلهم ولا اتصل عليهم لا بعيد ولا بعزء ولا بفرح يعني اقطعهم وهو يرحلهم عادي ولا كنو في شيئ
ايش رائيكم :icon33:
جولين 555 @golyn_555
عضوة
يلزم عليك تسجيل الدخول أولًا لكتابة تعليق.
الملكة صالحة
•
الله يكون في عونك ان شاء يردون عليكي الاخوات
الله يعينك ياقلبي اصبري على زوجك ولاعاد تردين على امه ولاابوه وحاولي تساعدينه بأشياء بسيطه وكمان هو لايعلم اهله بانه نزل له بدل سكن والا راتب والا ترقيه خلوا اسراركم بينكم
علشان تفتكون منهم
علشان تفتكون منهم
بصراحة زوجك يحزن أكثر منك الله يعينه على أهله
أول مره أشوف أم وأب بذي الأنانية
الناس مايصدقون ولدهم يستقر ويرتاح وذولا يدورون له ع النكد
من ناحية موضوعك والله مابيدي لك الا الدعاء
الله يعينك ويكتب لك الخير ويرزقك انتي وزوجك من حيث لاتحتسبون
بس حبيت أوصيك على زوجك لاتكونين انتي واهله عليه
تفهمي حالته واصبري عليه
أول مره أشوف أم وأب بذي الأنانية
الناس مايصدقون ولدهم يستقر ويرتاح وذولا يدورون له ع النكد
من ناحية موضوعك والله مابيدي لك الا الدعاء
الله يعينك ويكتب لك الخير ويرزقك انتي وزوجك من حيث لاتحتسبون
بس حبيت أوصيك على زوجك لاتكونين انتي واهله عليه
تفهمي حالته واصبري عليه
الصفحة الأخيرة