ايش رايكم اسويلكم محشي دجااااج؟؟

اختاري الدجاج الصغير(الفروج) لذيذ في الحشي العدد اللي يكفي اسرتك ونظفيه طبعا بالطحين والخل ثم اغسليه وخليه على جنب الى ان تسوي الحشوه.
الحشوه عباره عن 4 قطع من كبد الدجاج (الذ من اللحمه المفرومه للمحشي صدقوا) مقطعه الى قسمين وبصله متوسطه مقطعه الى مكعبات صغيييره .
اولا نقلب الكبده في الطوى حتى يتغير لونها وتنشف مويتها او كبي المويه اللي تطلع منها ثم اضيفي ملعقتين طعام زيت القلي والبصل وقلبيها الى ان يشقر البصل قليييلا ثم اضيفي مقدارا من الارز المصري (بيالة شاي) المغسول والمنقوع والمصفى وملعقتين كبيره من البازيللا المجمده وقلبيه ثم اضيفي الماء الكافي للارز حسب خبرتك(ما يبغى له توصيف) ورشة ملح وفلفل اسود والقرفه كثري منها شويي لانها تعطي طعم رااائع للمحشي وغطيه على نار هادئه لمدة 5 دقائق ومو ضروري يستوي كويس او تنشف مويته.
احشي الدجاجه بالحشوه السابقه من اسفل ومليها(لان الرز مستوي مسبقا وباقي عليه شوي وانا عمدا حتى الدجاج يعشق طعم الكبده) وخيطيها من اسفل وكذلك ابعدي الجلد عن الرقبه واحشيها من فوق .
نأتي لمرحلة السلق:قلبي بصله في قليل من الزيتفي قدر عادي او الضغط اذا مستعجله وقلبي الفروج شوي واضيفي الماء وحبات هيل جزره وفلفل اخضر حار او بارد وورقة غار اخضر ورشة زنجبيل واي مطيبات انت بتحبيها وملح بعد ازالة الزفره واتركيها حتى تنضج جيدا ولكن انتبهي لا تستوي مره حتى لا تتفتفت وتفرط حشوتها قيس وقت السلق كويس وخلي الدجاجه على ظهرها خلال مدة السلق.
بعد النضج حطيها في صينية فرن واعصري على الوجه ليمونه ورشة فلفل اسود وقرفه ودخليها تتحمر (النار من فوق طبعا).
في صينية تقديم قطعي الخبز اللبناني المفرود الابيض الى مربعات ورصيه فيها تقريبا رغيفين او على قد الصينيه وسقيه بالمرق وافردي فوقه رز مصري مستوي مطبوخ (او باقي الحشوه ) وضعي الدجاجه فوووووق ورشي صنوبر محمر واي نوع من المكسرات تحبي وزبيب منقوع في ماء مغلي ومصفى .
ما عندي صور بس انا عارفاكم في الاكل خيالكم واااااسع والف صحتين:)