ايش رايكم اقبل الدراسه ولالا مبتعثات امريكا ساعدوني

يختي انت اعرف بوضعك وحالتك,,
والانجليزي هين امره مو كل اللي جو هنا دراسة يحبون الانجليزي بس رغبة في الشهادة
,, بس هل انت مستعدة تدرسين وعندك اربع اطفال؟؟!
وكيف وضعك انت في امريكا او بالسعودية ؟
والقبول مو كل شــي ,, هل انت مبتعثة او زوجك مبتعث؟
واذا لا هل قدمتوا على برنامج الابتعاث
لاني الصراحة مافهمت موضوعك
يعني انت بالسعودية واختك جابت لك قبول؟ يعني لا انت ولازوجك مبتعثين
ياليت توضحين

اول شي مشكوره ياعمري على الرد
ثاني شئ انا افهمك الموضوع فيه طريقتين للأبتعاث الطريقه الاولى معروفه وهي انك تقدمي ببرنامج الابتعاث
وطبعآ فيه شروط ولازم نسبه ووووو حوسه وتعب قلب الطريقه الثانيه سهله ومابتكلف اي شي غير انك يكون عندك
مبلغ يعيشك 3الى 4 شهور هناك طيب ايش الطريقه
انك ماتقدمي ببرنامج الابتعاث تشوفي الجامعه الى حابه تنظمي لها بامريكا بس بشرط يكون معترف بيها بالسعوديه
وتراسليهم عن طريق الايميل انك تبي تدرسي عندهم وتطلبي قبول وترسلي اوراقك شهادت الدراسه مترجمه
وجوازك صوره طبعآ بيجيك القبول بخلال من اسبوع لشهر تسوي موعد بالسفاره وتسافري وهناك تدرسي بالجامعه
لمدت ثلاث شهور بيعطوك تقييم لدرجاتك تروحي تقدمي اورقك بالملحقيه وبيجيك الرد خلال شهر بالموافقه للأنظمام
للبعثه هذي الطريقه اسهل ليش لانهم بامريكا طلاباتهم بسيطه للدراسه حتى لو نسبتك ب70 بيقبلو بس هنا بيعقدوها
ممكن تخسري مبلغ بسيط بس ان شاء الله بتنظمي للبعثه لان لو معاك درجات حلوه وقبول الدوله هنا مجبره تضمك للبعثه
وعلى فكره الطريقه هذي كثير مشي بيها من اهلي واقاربي واختى بعد وهي راحت بنفس الطريقه وانضمت للبعثه بعد4 شهور
من سفرها لأمريكا

والله اذا مالك رغبة في الدراسة ماراح تفلحين لأن الدراسة والله صعبــــــــــة ويومياً شغل وواجبات واسايمنتز واجتماعات مع القروبات وغيره
فاذا عندك الاستعداد النفسي توكلي على الله ..

اما الانجلش مافي شي تتعلمينه غصب يعني مستحيييل تتعلمينه بدون مجهود نهائي .. الانجليزي محتاج شغل
الناس ماخذة فكرة غلط انه مجرد سفرهم لامريكا راح تخليهم يصيروا بلبل ..بس ياما ناس راحت وجلس سنين ورجعت زي مارحتي زي ماجيتي ..او يتكلمون صح بس لغتهم خايسة ما تنفهم

فانتي شوفي نفسك اذا عندك حب ورغبة في الدراسة وعندك طموح واهداف لبعد التخرج هذا الشي اللي يخلي الوحدة تثابر وتصبر
اما اذا ماكان عندك هذاك الدافع القوي فماراح ينفع .. ممكن تخلي زوجك يروح ويدرس وانتي تجلسي معاه كمرافقة لو مو حابة الدراسة
او جربي نفسك اول كم شهر مو خسرانه حاجة
وبالتوفيق

ايووه فهمت يعني بتروحين على حسابك الشخصي بعدين تنظمين للابتعااث
شوفي اختي والله مدري وش اقولك بس لازم تدرسين الموضوع زين
وبما انه جاك قبول كويس الحمد الله
لكن لازم تشوفين موضوع اطفالك ,, وضع شغل زوجك ,,
لان المصاريف بتصير مكلفة جدا خصوصا ادا بتدخلينهم حضانة

اذا انتي مقتنعه اطلعي وادرسي
بس يبيلها شد حيل بقوه
والانجلش تراه بالغربه غصب عليك تتعلمينه عشان تمشي امورك
الله يكتب لنا ولك وكل مسلم ومسلمه اللي فيه الخير امين