ايش رايكم بالحليب المركز وعصير المانجا

صباحكم ورد
مشكلتي الازليه بنتي البكريه5 سنين الله يصلحها ونحافتها وشهيتها المسدوده
والله يابنات مااقدر احط ايدي على ظهرها يعورني قلبي من ملمس عظامها جربت كل شي كل فواتح الشهيه الي بالصيدليه ما فادت
جربت الحلتيته قلت عشان تنظف بطنها وتنفتح شهيتها والله ماحركت فيها شي
جربت الحلبه مع الحليب شهر ولا كأني عطيتها شي
قبل شهرين صرت اعجن لها التمر مع السمسم وقلت ان شاء الله يفيد لكن الصدمه كل من شافها قال بنتك ويش فيها كل ما لها تنقص :humm:
الحين صرت اعطيها بعد ما ترجع من الروضه حليب ابوقوس مخلوط مع عصير مانجا وبالليل التمر مع السمسم وزدت عليه شوي سمن بس خايفه من الحليب مع المانجا يسبب لها مشكله وانا مو ناقصه
حبيت اعرف في احد جربه لعياله واهم شي جاب نتيجه وماسبب لهم مشكله

الشي الوحيد الي احس اني سويته لها وجاب نتيجه شعرها
اول ما دخلت الروضه طااااااح شعرها وما بقى الاشي بسيط ايش السبب ؟ ماأدري
المهم حطيت زيت برشوت لايت ومحلب مطحون وصرت ازيت شعرها مره في الاسبوع والحمد لله تحسن كثير والحين ماشاء الله كثف شعرها