أنا اشوف الموضوع هذا راجع لوحدة نفسها ولزوجها ولضروفها المادية والاجتماعية والعمرية انا مثلا ماأيد الحمل وراء بعض لكن تزوجت بعمر 29 طبيعي راح اجيب 2 وراء بعض اول شي عمري قاعد يمشي ثاني الوحدة ماتضمن شنو راح يصير بمستقبل يمكن لو أخذت موانع لفترة طويلة تسبب لي عقم لاسمح الله او لاقدر الله ابتلي بمرض يمنعني من الحمل فكان قراري انا وزوجي احمل مجرد مايكمل ولدي الاول سنة وشهرين وفعلا حملت بعد سنو وشهرين وولدت وعمر ولدي سنتين في هذا الوقت صار عمر 32 بعد مو صغيرة والحين ولدي الثاني كمل سنتين وشهر وحملت بثالث عن قناعه الكبير 4 سنوات والثاني سنتين وشهر وحامل في شهرين لين اولد ان شاءالله يكون 3 سنوات والكبير 5 يعني الحمدالله سهالات اللي اقصدة الوحدة هي تعرف ضروفها وطاقتها انتي تقدري الحين تحملي خلي بنتك يصير معها ونيس وعمرها حلو يعني تقريبا 4 سنوات لين ربي يكتب لك الحمل تكون قربت 5 سنوات
وكلام الناس قطيه وراء ظهرك انتي بشنو تفكرين تحبين وراء بعض حملي عندك ضروف دراسه اجلي لين تخلصين ماعندك حد يساعد بعد "أجلي فية حريم ازواجهم يفرضون عليهم الحمل وراء بعض وحياتها عفسه لكن ماتبين للناس وهي بالاصل مو مقتنعه لكن تكذب وتقول جيبوا وراء بعض تبي الكل نفسها
وحبيبتي بعد اذا انتي وزوجك من النوع اللي يسافر سنويا ويطلع شبة يومي مجمعات كوفيات ومطاعم وتحبون الهدوء والله الافضل يكون فية شوي فارق لكن لو حياتك بيت وبيت وبيت اشغلي نفسك بالاولاد

ياحبيبتي مستعجله ليه وايش اللي جيبي ٣ او ٤ ورا بعض انتي فنهايه انسان مو آله تفريخ في شي اسمه تنظيم النسل اشياء تحدد عدد افراد الاسره الدخل ،نفسيتكم،درجه صبرك ،..الخ

مثال/ يعني الطبيعي انك تخلفي وتكبري عيلتك بس اللي مو طبيعي لما يكون زوجك دخله ضعيف وانتي تخلفي ورا بعض ولا عيشه مثل الخلق وديون وقرف عشان حضرتها ماتبغى موانع عشان امها واخواتها نصحوها هالنصيحه الفاشله <<< جارت ماما صغيره وزوجها على باب الله وجايبه 6او 7ماشاءالله ولا هيا داريه عنهم 24 ساعه فشوارع لدرجه مره الصباح نسيت واحد من عيالها برا وقفلت الباب ونامت خسرت صحتها ولا هيا قادره تسوي كنترول عليهم ولا اهتمام

نصيحتي لا تمشي على كلام الحريم انا اشوف انو اللي نصحتك وحده تكرهك وتدورلك الشقى خلي كل شي بيد الله احملي خديلك فتره راحه ادي ولدك حقو بعدها راجعي نفسك اذا تقدري تتحملي فالوضع الراهن حمل وطفل جديد لانو مو كل البيبهات زي بعض بيبي يجي هادي وفي اللي يجي بكاي يهلكك

قريبتي ولدت وحملت فالاربعين والان كارهه عمرها بتجنن اللي قبل الاخير صياح وشقي والاخير ابو سنه هاااادي ماشاءالله انحبست فالبيت وتعبانه صح واول شي سوته ركبت لولب وتقول اخدت حبوب معاها زياده حرص هههههههههه اتعقدت مسكينه