الله يهديه و يصلحه يا رب .. تكتري عنه و سوي لج جدول .. وانشغلي عنه .. ادري قعدتهم على التلفون تضايق لكن لمن تقوليله ليش وليش اهما يحسون انك شاكه فيهم او تحققين معاهم .. خليه .. وانتي بعد انشغلي وانبسطي .. لا تقعدين معاه خليه بروحه .. سوي واجبك وامشي عنه .. واذا بتقعدين بالصالة معاه .. خليك بعد مشغولة مو ناطرة منه سالفة .. صراحة ما اقدر اسولف مع شخص مو مهتم لسالفتي .. واذا فيك سوالف طلعي طاقتك مع امك خواتك صديقاتك .. وخلي الجو مرح بالبيت مع اطفالك .. حطي ماسكات دلعي نفسك .. روقي ..
اما ليش وليش والله يا اختي ما منها فايدة .. يعني انا اتخيل زوجي اييني يقولي ليش قاعدة على تلفونك شنو الي شاغلك وشادك والله بزعل منه ! ..

انتي على بالك بس زوجك اللي على جواله
يا اختي والله كل الرجال على جوالاتهم وخاصه بالوقت ذا
لا شكين فيه ولا تحققين معاه
محترم معك ؟ يجيب لك اغراضك ؟ مو مقصر بشي ؟
اعرفي انه يحبك كذا
بس ياختي الواحد قاعد في بيته ٢٤ ساعه وهو متعود يطلع ويروح ويجي مو زي الحريم متعودين
تلقينه يعوض ذا الشي بشي ثاني اللي هو الجوال
انتي تعالي امزحي معه وروحي
فيه خبر تعالي قولي له الخبر
وانتي سوي لك جو
جوالك وقهوتك
او قران
او كتاب تقرينه
ترا انا كنت زيك
والله حتى الكلام اللي قلتيه انا قلته قبلك
انت متزوج الجوال مو متزوجني
بس خلاص عرفت الصح من الغلط
ليه نبني سعادنتا فيهم ؟
والله انس ارتحت الحمدلله
اسوي جو لي
ولا اساله وش تسوي بجوالك
والله حتى هو تغير معي للاحسن اللهم لك الحمد ماشاء الله تبارك الله
اسمعي نصيحتي

الرجال يكره تفتشين وراه
او تحققين معاه
او انك تشكين فيه
تتدمر بيتك ترا
اعطيه الثقه وطنشيه
بس مو طناش زعل لااا
سوي واجباتك واضحكي معه وامزحي حتى لو هو ما ضحك لا تقولين ليه ما تضحك لاااا
عادي خليه سواء ردة فعله عجبتك او لا
وشوفي كيف يتغير
وانتي انشغلي عنه الرجال مايحب اللصقه
وصراحه مو بس الرجال
الناس كلهم بصفه عامه
تجرين وراهم وتلصقين فيهم يكرهونك
اما الوسطييهه حلوووه بكل الامور

إذا لك خلق تابعي مثله بتلقوا شي تتكلموا فيه

وانتي وش تبين فيه ترا الزوج مو نصف اخر😩تراه نكهه او أضافه الحياه كل واحد منكم له مساحه لراحه له الحق يرتاح فيها ،زوجي دايم جواله بيده وعلى ببجي مايفك جواله الا وقت نومه والاضايقني ذا الموضوع اصلا ماالقى وقت افضى له اغلب وقتي مطارده مع عيالي