ايش رايكم برده فعله؟

بنات اليوم ع الغدا كنا نتكلم انا وزوجي وجبت طاري الافلام ع نتفلكس وكانت تمطر عندنا المهم قال هو انا كل يوم اتابع ب الدوام يكذب طبعا لانه لازم شبكه اضن والا؟؟ ماعنده شبكه هو الا ب البيت المهم قلت عساه فبناتك اذا تابعت اشياء وسخه واباحيه قال لا تدعين ع بناتي قلت عيب تتابع وعندك انا قال ليش اتابع وانتي عندي اخليك واروح لهن قلت اجل مانت بحل لو تتابع وعساك للعمى عصب وقام يهاوش ويدعي علي بالموت يقول عساك تموتين بهالمطر استغفري لاتدعين علي قلت الا اذا تابعت اباحيه عسا ماتتوفق ابدا قال استغفري عساك للمرض والموت والله لااتابع علي الطلاق منك لاتابع عناد فيك تخييلن لهدرجه الوقاحه قلت طيب انت دامك واثق من نفسك وماتابعت ليش تعصب يوم ادعي عليك حتى انت دعيت علي اذا طلعت أسرار بيتنا ومشاكلنا ل اهلي اني امرض واتعب وماقلت شي صرت اخاف اطلع اسرارنا ليش تعصب ويقوم ماكمل الغدا حسبي الله عليك ويتحسب ب اعلى صوت
الجمعه اللي فاتت تابع معي فلم وكان فيه اباحيه بشكل مو طبيعي حريم عاريات قلت يع طفه مابي اكمله قال خلاص روحي انتي انا ابيه واصد لاشفت وساخه ادنق وهو مبحلق عيونه يععع قسم بالله احس كرهته وش اسوي معه بفهم...
قبل فتره نزلت موضوع انو زوجي صحيت من النوم لقيته برا ب الديوانيه ومسكر عليه الباب ولما فتحت الباب شفته متلبك ويروح يمين ويسار وشكيت به وواجهته انو اكيد تسوي شي غلط مثل انه مسوي العاده السريه والا ليش مسكر الباب قام ودعا علي لين بكيت يقول اذا انا مسويها جعلك تموتين الليله وخفت قلت يمكن اكون ضالمته مع انه ليلتها راح تروش وهو مو محتاج يتروش متروش ب الليل وانا اعرفه لاتروش يقعد يومين الا اذا مسوي شي فهمتن علي بس مع ذا حفت من دعاه يقول تموتين واعرس ع غيرك وبناتي ينادون زوجتي يمه وينسونك انهرت من البكي لين استغفر


معقوله ي بنات يكون يسوي شي ب الخفا واساله تسوي كذا يقول جعلك الموت اذا انا مسسويه؟؟ يعني يتمنى لي الموت
كل مانتناقش ع اي شي يدعي علي دعا قوي،، يفهمني غلط كثير وش اسسسوي معه جد انا الحين صرت اسوي نفسي بارده قدامه هو قبل بارد الحين صار نار وشرار مدمن لعب بلاستيشن من يجي من الدوام الضهر لين 12 ب الليل وينام ويقوم يداوم ويرجع يلعب اقوله متى تبطل لعب يقول لين تتعدلين وتصيرين زينه
كلامه قوي وجارح بعرس عليك اقوله ب الطقاق الله يوفقك بتطفش منك بس تلعب عندها يقول لا والله لاحذف اللعبه ب للزباله واحطها بحضني وبوس ويشرح وانا اسوي نفسي بارده واضحك وارد عليه تتهنون ان شاءالله الله يرزقك


طيب لين متى تعبت لاجا الليل ابكي عند بناتي يجون يخموني الكبيره تبكي معي ولاصحا اسوي نفسي بارده ومايهمني،، اخخخ بس تكفون اللي ماعندها رد تدعي لي وربي تعبت فوق هالحجر والوبا وبروحي اهلي بديره ثانيه تزيد علي هالمشاكل