ايش رايكم بهالموضوع زواج الاخ والاخت من نفس العايله

السلام عليكم ياحلى حوائيات
موضوعي حطيته بغيت اتاكد من نظرتي للامر هل هي صحيحه والا انا مبالغه
يوم كنا ندور لاخوي ونبغى نخطب له قالت امي على وحده من قريباتنا جميله واخلاقها حلوه وماعليها كلام بس كانت اخت زوج اختي عاد قلت لا صعبه بكذا اختي بيكون وضعها صعب ويصير حزازيات واي مشكله عندهم بتاثر عليها وامي ماكانت مقتنعه بكلامي وانا والله ماكان لي خاطر يتم الموضوع والحمد لله ماصار نصيب اخوي طلع حاط عينه على وحده من قرايبنا وخطبها وقريبتي الاولى طلعت شبه مخطوبه عليها كلام يعني
هنا سؤالي هل فعلا هالنوع من الزواجات مشاكله كثيره كون اي مشكله تصير مثلا بين اخوي ومرته اللي هي اصلا اخت زوجي احس راح يأثر خلافهم علي انا وزوجي او على الاقل بيني وبين اهل زوجي
اخذت هالفكره من صديقتي كانت تعاني من الموضوع اذا جات اخت زوجها زعلانه قلبوا عليها وهي تتعب وتتازم من الوضع خصوصا اخوها ومرته مشاكلهم كثيره
وكمان قريبتي كبيره بالسن تقولي عن بنتها انها كانت تقولها الله يسامحك يمه حطيتي فلانه << مرة اخوها واخت زوجها
تقول حطيتي فلانه زي الموس بحلقي ان تكلمت تعبت وان سكت تعبت
وانتوا ايش رايكم ؟!