هذا موضوع اعجبنى وايش رايكم فيه وهو منقول
في احد جربه
انا من متى ادور على طريقه طبيعيه للحمل بتوأم المهم لقيت كذا موقع يتكلم عن هالحبوب المهم لقيت ان الاجانب يدورون على طرق طبيعيه للحمل بتوأم المهم أغلبهم استعملوا هالحبوب و هي طبيعيه و حملوا بتوام هالحبوب اسمها vitex 250mg و هي اتضاعف فرصه المرأه للحمل بتوأم طبعا هذا تلقينه في صيدليه او عند نيوترشن تاخذين حبه مرتين في اليوم و مثل ما قلتلكم هذي اعشاب طبيعيه يعني ما يحتاج ابر تفجيريه و هالسوالف بس تاخذينه مرتين في اليوم من اول يوم دوره و توقفينه اول ما يصير الحمل.
بقولكم تجربه وحده في الموقع اتقول ان هي عمرها 35 سنه و ريلها عمره 50 سنه و هي وزوجها قرروا ينجبون اولاد (توا الناس ليش مستعيليين خخخخ
) المهم اتقول ان دورتها دايما ملخبطه و بدأت تاخذ الحبوب من 24 يناير و كانت تاخذ حبه في اليوم صبح و مسا و يتها الدوره تاريخ 29 يناير و بعد ما خلصت الدوره بدأت تستعمل جهاز الاباضه و طلع عندها الاباضه تاريخ 6 و 7 و طبعا صار الجماع في هاليومين و في تاريخ 18 فبراير سوت فحص حمل المنزلي و طلعت حامل و طبعا اتقول انها استغربت كيف انها حملت بسرعه في خلال 11 يوم من بعد الاباضه و طبعا بعد 4 شهور سوت سونار و طلعت حامل بتوأم و هذي صوره الحبوب
فوائدها:
الحبوب هذي من اعشاب طبيعيه تسوي نفس مفعول الكلوميد و احسن عن الكلوميد لان الكلوميد مضاره اكثر من نفعه بس هالحبوب مفيده و ما تضر.
هالحبوب اتخلي الوحده تحمل بتوأم و خصوصا الي في عايلتها حاله توأم مع هالحبوب 99% بتحملين معاها بتوأم و الي ما عندهم حاله توأم في عايلتها في المواقع الاجنبيه كذا وحده استعملته و حملت بتوأم مع انه موب وراثه.
و هالحبوب تعالج التكيسات المبايض.
و تنظم الدوره .
و تخلي حجم البويضه كبيره.
تساعد في منع حالات الاجهاض و الاسقاط.
تزيد فرصه الحمل ببنات و علشان جذي في موضوعي ذكرت اسامي حبوب تاخذينها و تحملين بولد (ان شاء الله) و اهم شي طريقه الجماع. وهذا موضوعي دخلي عليه و اقري اسامي الحبوب موب شرط كل الحبوب اتكون موجوده عندج http://forum.uaewomen.net/showthread...548035&page=37
و سوي هالطريقه الي انا سويتها قبل الجماع بساعه و في اول يوم اباضه بالضبط و هي انج تبللين صبعج بالماي و تاخذين بودره بيكربونات الصوديوم تغمسين صبعج في البودره و بعدين ادخلينه مره وحده في المهبل و اطلعينه بس شرط لا ادخلينه لين اخر شي تقريبا نص الصبع لانج لو دخليته وايد داخل بيجيسج حرقان فعلشان جذي لا تتعمقين وايد و هالطريقه اتخلي القاعده قلويه بسرعه.
تجربتي الشخصيه مع الحبوب:
بعد ما استخدمت الحبوب اسبوعين و نص بس رحت عند دكتورتي و ما كانت تعرف عن الحبوب الي اخذها بعد ما كشفت علي سألتني لو انا ماخذه كلوميد لان حجم البويضه الي طلعت وقت الاباضه كان كبير و فوق هذا الاباضه طولت عندي تقريبا 4 ايام يعني البويضه كانت تطلع من المبيض شويه شويه بحركه بطيئه علشان تعطي فرصه للحيوانات المنويه اتلقح البويضه و فوق هذا الحبوب هذي اتخلي الحيوانات المنويه عايشه فتره اطول.
مضارها:
طبعا الدكتوره لو سالتيها عن الحبوب بتقولج مالها اي مضار لانها من الاعشاب وفي مواقع ذاكره الاثار الجانبيه مثلا صداع ، تساقط الشعر، تسارع دقات القلب و تبين في اول اسبوع اول ثاني اسبوع من الاستخدام ، تحسس الجلد، فاذا طلعت عندج هالاثار وقفي الحبوب .
من وين اشتريته و سعره :
انا اشتريت الحبوب من نيوترشن زون موجود في سيتي سنتر الشارجه و صحارى سنتر و ما اعرف عن الامارات الثانيه و سعره بحدود 40 الى 60 درهم تقريبا ، فلا ترحون دكتور نيوترشن او غيره بس في نيوترشن زون.
الطريقه:
حبه وحده بعد الاكل من اول يوم الدوره ، وتوقفينه من اول يوم اباضه الين ما تنزل الدوره ، طبعا اذا حملتي اسالي الدكتوره لو تقدرين تاخذين الحبوب في 3 شهور الحمل الاولى علشان يثبت الحمل بس ضروري تستعملين حبوب الفوليك اسيد قبل الحمل و خلال فتره الحمل
.............................. .............................. ..........................
النتيجه:::
هلا بنات انا الاباضه كانت عندي تاريخ 28 اكتوبر و كنت احس من يومين بالم كل ما اشل بنتي الي عمرها سنه و قلت خليني اجيك و خصوصا اني اتضاربت مع ريلي و خليته يرجع من السفر قبل يوم الاباضه و اليوم سويت فحص الحمل المنزلي و انا حااااااااااااااااااااااااااااا ااامل في 7 ايام و في مجال انهم توأم ان شاء الله يكونون توأم سالمين معافين ،، يا رب لك الحمد و الله بصيح من الفرحه