كوبونات الراقية تسجيل الدخول

وناسة حلوة

ايش رايكم ,,,, تختار الوظيفة أو العريس ؟؟

الأسرة والمجتمع •

السلام عليكم .,,,,

بنات حواء العزيزات ,,,, مساء الخير و السرور ... و كل عام وانتم بخير ...

انا عضوة و متابعة من زمان لمواضيع هذا القسم و ما شا ءالله يوجد الكثير من الردود الواعية العاقلة الي تشجع اي وحدة انها تاخذ رايكم في اي موضوع مستعصي ..

وحدة اعرفها و احبها مرة ,, عمرها تقريبا 28 سنة و تشتغل و هي تساعد اهلها و ايضا تحاول تكمل دراستها في نفس الوقت ,, يعني ماشاء الله عليها طموحة ,,,
ومن فترة خطبها رجال طيب و حالته المادية ميسورة نوعاً ما " يعني مو مرة غني بس مرتاح " , و كان شرطه الوحيد انها تترك شغلها ..

وحاولو اهلها يقنعوه و هي تتمنى انه يقتنع بس هو رافض تماما انه زوجته تشتغل و هو يقول اي شي تطلبيه راح اعطيكي هو و اشتري لك كل شي ,,,
بس هي تحب شغلها و عندها طموح انها توصل لمركز حلو وفي نفس الوقت تستحي تقوله انها تساعد اهلها براتب شغلها :44: ,,, و اهلها الحمد لله مستورين بس الدنيا احيانا حالها صعبة ...

ايش رايكم ؟؟؟ توافق عليه و تترك وظيفتها ؟؟ والا تكمل في وظيفتها و ترفض العريس ؟؟

انا قلت لها انها لو كملت شغلها ممكن في يوم يخطبها واحد ثاني بس الصراحة خفت انه ما يجي واحد طيب و كويس زي هذا العريس ,, رجعت و قلت لها تستخير و هي استخارت و لسه محتااااارة مرررة ...

الله يسعدكم يا بنات كل وحدة تكتب رأيها لعل و عسى سبحان الله يكون فيه البركة .. الله يفرج هم كل المسلمين و يزوج كل البنات يارب ...
و جزاكم الله خير ..
29
2K

يلزم عليك تسجيل الدخول أولًا لكتابة تعليق.

تسجيل دخول

لغد ( أرشق )
لغد ( أرشق ) •
والله موضوع محير مرة
بس لو أنا مكانها برفض الصراحة
بما إني بساعد أهلي براتبي فأكيد ربي راح يفتح علي ويوفقني ويسخر لي انسان ثاني ما يرفض وظيفتي
لكن لو تركت الوظيفة مدري وش تخبي لي الايام .. وهل كلامه صحيح انه بيعطيني اللي ابيه ؟ بهالزمن محد يضمن الرجال ..
عموما الله يوفقها
*ضحية صمت*
*ضحية صمت* •
والله شوفي انا موظفة .. ورفضت اكثر من عريس زين عشان وظيفتي

بس يمكن عشان عمري 25 ليسا شوي .. يعني لووصلت 28 خلاص اتوقع اني

بترك الوظيفة لو كان العريس مناسب ..

لكن في اقتراحات ..

اذا وظيفتها رسميه .. قولي لها تأخذ استثنائي وتتفق معه علا كذا

وان شافت انها ارتاحت معه خلاص تترك الوظيفة .. يمكن لاقدر الله مايرتاحون مع بعض

ويصير لاوظيفة ولازوج ..

انا مابيك تتشائمين بس لازم نحط اسوء الحلول عشان نتلافها ومانندم ولات ساعة مندم ..


الله يوووفقها ويكتب لها اللي فيه الخير دائما وابدا يااااااااارب
اميره والورد
اميره والورد •
سلمي لي عليها وقولي لها تقولك اميرة..
((الوظيــــــفة أمـــــــان من غدر ظروف الزمان )) هذا اللي علمني ابويه الله يرحمه..
وبدل الرجال رجال... بس الوظيفة الناس ياعمري قاعدين يدوروا عليها مالقوها..
انا لو رجع الزمان وخطبني بيل خيتس وقال الوظيفة ولا أنا اختار الوظيفة..>>قوية بيل خيتس هذي بس مشو الحال...
والله يوفقها ويختار لها الطيب..
@ريناد@
@ريناد@ •
المرأة مكانها الأساسي في البيت
وهي عمرها 28
وكل ما تكبر عن كده فرصتها في الزواج بشخص مواصفاته جيدة بتقل
الرزق من عند الله
ولكن نأخذ بالأسباب

رأيي طالما أهلها ليسوا معتمدين اعتمادا كليا على راتبها او الجزء الذي تساعدهم به إنها تتوكل على الله وتترك الوظيفة وتوافق على العريس

وتستخير ثانية قبل ما تقدم على اي شيء
وناسة حلوة
وناسة حلوة •
@ريناد@ @ريناد@ :
المرأة مكانها الأساسي في البيت وهي عمرها 28 وكل ما تكبر عن كده فرصتها في الزواج بشخص مواصفاته جيدة بتقل الرزق من عند الله ولكن نأخذ بالأسباب رأيي طالما أهلها ليسوا معتمدين اعتمادا كليا على راتبها او الجزء الذي تساعدهم به إنها تتوكل على الله وتترك الوظيفة وتوافق على العريس وتستخير ثانية قبل ما تقدم على اي شيء
المرأة مكانها الأساسي في البيت وهي عمرها 28 وكل ما تكبر عن كده فرصتها في الزواج بشخص مواصفاته...
الأخوات ,,, لغد (أرشق) , بقمية كووول ,, و ضحية صمت , أميرة و الورد ,, %لوجين% ,, شكرا على ردودكم و جزاكم الله خير ... وفعلا الوظيفة امان من غدر الزمان ,, بس في نفس الوقت البنت مو صغيرة وعلى كلامها الرجال شكله طيب وان شا ءالله يكون كريم ,,

بس سبحان الله انا سمعت من بعض النساء انه الزوجة لما تشتغل تكون لها شخصية عند زوجها و تكون مستقلة ماديا و انه الزوجة لما تطلب فلوس من زوجها على طول : هذا الشي راح يخلي زوجها يحس انها معتمدة عليه و بمرور الوقت راح يستقوي عليها , و يكون رأيها دائما هو الضعيف لأنه الدنيا لا تخلو من المشاكل ..
الله يختار الخير يارب