ايش رايكم في زوجة اخوي؟

السلام عليكم
تعرفون قصتي ووحدتي الحمدلله والشكر
المهم انه جتني حمى قويه لدرجه قلت شكلي بودع منها
ماعاد قدرت امشي وارتجف المهم تعبت
وماكان احد حولي ابدا الا زوجي وولدي عمره سنتين
حتى مااحد دق علي يسال ولا شئ
صادف تعبي عزيمه لأخوي
عزيمه كبيره بمناسبه بيته الجديد
والله كنت ابغى احضر بس حالتي يرثى لها مريضه
كنت حتى اليوم الي قبله في المستشفى
دقيت على امي وواضح من صوتي اني مريضه بالقوه اتكلم
امي الله يعطيها العافيه تهتم مررره في رأي الناس ولا تبغى
تزعل احد
فقالت لي حاولي تحضرين انه حرمة اخوك حساسه وزعوله
بتزعل اضغطي على نفسك ولا تطولين؟؟؟
طبعا قلت لامي بحاول مابغيت ازعلها
وبالفعل حاولت خذيت دش وتعطرت
مااااااش تعبااااااانه
فكرت فيها انا يالله اشل نفسي ومعي طفلي لازم اهتم فيه الاحقه
في العزيمه مااااقدر
لايكلف ربي نفس الا وسعها ربي وحده اعلم بنيتي وضرفي
فأرسلت لحرمة اخوي رساله اعتذار ووضحة لها وامي اكيد بتعلمها
بحالي
طبعا زوجي راح للعزيمه وايضا اعتذر لي عند اخوي
تفاجأة من حرمة اخوي منزله في سنابها
(( سيموت في عينيك اشخاص احياء وستتبدل مقامات الناس في قلبك وستدرك بان العبره ليست بالكثره وان خلاصة البشر الاوفياء تكمن في البقاء بجوارك اينما كنت وكيفما كنت فلا تهب احدا خيرك كله ولا تسرف في مشاعرك في ان واحد دفعه واحده))
طبعا قبل عزيمتها هذي كنت مع زوجي في رحله جميله جدا على البحر وكنت مستمتعه جدا جدا جدا وبحكم مااطلع كثير رحلات لانه زوجي دوامه طويل ف رحنا متاخر بعد الظهر والله انه زوجي بلبس دوامه مسكين ضاغط على نفسه وستأذن بدري عشاني تفاجأة
انها مرسله تعزمني والله اني ماطولت في رحلتنا وطلبت زوجي
يرجعني البيت عشان اتجهز اروح لها
وبالفعل رحت لها مع انه اتكلم عن مسافات طويله جلست يمكن بس ساعتين في البحر بس عشان ماارد دعوتها لي
لكن زوجة اخوي حساسه تبيع الواحد بريال مهما سوا
رغم انا عزمتها كذا عزيمه وماحضرت ومره جت وراحت بدون عشاء ولا قلت شئ وقلت كلن بظرفه
ديننا قال اعط اخيك العذر
ايش رايكم في مشكلتي وايش الحل والتصرف مع هذي النوعيه من
البشر؟؟