ايش رايكم في فكرتي ؟؟

بصراحه انا ماايد ابدا اول شي اختلاط ثاني شي مو مضمون دخلك ابدا يمكن اليووم تحصلي احد يشتري وينسيك تعب الوقوف

تحت الشمس بكره ماتحصلي لانك عارفه هالايام معاد فيه ثقه خصوصا بالبساطات من كثر مانسمع من القصص صرنا نخاف

نشتري من محل فرق 5 ريال اضمن اذا انتي حاه الشغله تقدري تصلحي مثل التاجرات ببيتك

والله عادي جدا والشغل موعيب يمكن تكونين بعدين سيدة اعمال ترى رجال الاعمال بدو بشى بسيط الله يوافقك بس اهم شي استخيري قبل تبدين

الشغل مو عيب الله يوفقك ويفتح لك باب رزقه

لا مانع أذا كان في مكان يحفظ عليها حشمتها
بالنسبه لبيع النساء للملابس الداخليه انا مؤيده لهالشي لكن المفترض انه تكون بمحلات نسائيه بحته
او ع الأقل .. محلات مكشوفه قدام الناس .. في المنطقه اللي انا فيها عندنا حريم يبيعن في مراكز تجاريه مغلقه
يعني تكون بالطابق الثاني .. ومختلطه مع الرجال شفتهم بعيني كذا فيها خطر ع البنات الموظفات تختلط مع هالعمال
طيب برمضان المحلات شغاله للساعه 2 و3 الفجر كيف وضع البنت ؟؟ كيف أهلها يأمنوا عليها ؟


يعني لاطبنا ولا غدا الشر !
الله يرزقك ياأختي بالمال الحلال

صدقيني في الحركه بركه ومؤيده لكلامك
الرزق يبغي له نفس طوييييل وصبر
نصيحه مني اشتغلي في بيتك يعني جيبي بضاعه
تكون مجربه مثل بخور زين وريحته يبقي بالبيت ثلاث أيام
وأعلني عنه أولا في محيط عائلتك وجماعتك
وثم عند جيرانك وراح تنتشر الأعلانات بين النسوان والمكاسب راح تنزل عليك وأنتي مرتاحه في بيتك
صدقيني الرزق الي ربي كاتبه لك بيجيك لحد باب بيتك
والله يوفقك ويرزقك الرزق الحلال الطيب