قبل كم يوم طلب مني اترجم لسيده ****في مستشفي الولاده في كندا
السيده مع زوجها يعرفوا شويه انجليزي بس الدكاتره استغربوا من موقف الزوجه واعتقدوا انها ممكن مش فاهمه عليهم ونادوا وطلبوا مني اترجم
الحرمه ولادتها متاخره اسبوعين وخلاص لازم يولدوها وينزلوا مويه البيبي. فنظام المستشفي عندهم في كندا انه الدايه او الممرضه ح تسوي اغلب الشغل واذا صار اي تعسر او البيبي خلاص ح يطلع ساعتها ح ينادوا علي الدكتور بس اذا كل شئ سليم وطبيعي الدايه او الممرضه ح تسوي كل الشغل
الحرمه **** المسكينه هذه جات المستشغي وخلاص عندها الالم الولاده والدكتوره قالت انه الطفل قلبه بدآ يضعف وهي من امس ما حست بحركته. فقالوا انه لازم يبدآ في الولاده بأسرع مايمكن
الحرمه قالت طيب خلينا نبدا قاموا جابولها دايه رجال!!!!!!!!!! هي رفضت وزعلت ورفضت حتي يحطلها المغذي في يدها !!!!!!! قالت يجبولي ممرضه قالوا مافي ممرضه فاضيه وكلهم عندهم مرضي وممنوع نطلع ممرضه من شغلها بس علشانك.الرجال هذا زيه زي الممرضات وولادتك جات علي وقت الشفت حقه فلازم هو يشوفيك
ولله المسكينه رغم الالم للي هي فيه بس ابدا مارضخت وتقللهم لا وهم مستغربين ويقوللها الجنين قلبه عمال يضعف وماصار يتحرك ولازم ننطلعه الحين وإلا ح يموت ....ليش تحطي نفسك وطفلك في خطر!!!!!!!!
وهي تقول ولله اذا انتوا كويسين وخايفين علي وعلي الجنين روحوا جيبولي ممرضه. المستشفي ايش كبرها مافي ممرضه وحده تقدر تشوفني !!!!!!!!!ويقولولها مافي احد فاضي وعبال ما ندور لك ممرضه فاضيه يمكن طفلك يموت !!!!! وهي مصره انه الرجال هذا ما يشوفها !!!!!!!
وبعدين قالوا لها اذا انت رافضه انه الرجال هذا يعالجك لازم توقعي لنا علي ورقه إخلا مسؤليه وتطلعي من المستشفي زغم اننا مانحب انك تسوي كدا ونبغي نساعدك بس اذا انت رافضه مانقدر نغصبك
قامت قالتلهم وللله مني طالعه من الغرفه وماني موقعه علي ايش وح تولدوني هنا واذا طفلي صارله شئ ح حملكم المسؤليه كامله لانكم رفضتم تجبولي ممرضه!!!!!!!!!!
الموقف كان صعب جدا وهي كل مالها تتعب بزياده وزوجها قاعد جمبها ماقل شي بس يقول لبولها طلبها ليش انتوا كذا؟؟ منتوا شايفين قد ايها التوتر هذا يآثر عليها؟؟
مرت 45 دقيقه وهم في المجادله هذه ؟؟ وهي متتمسكه في موقفها
في النهايه هي تتعبت اكثر والطفل بدا دقات قلبه يضعف اكثر قامت الدكتوره قالت خلاص ح ندور لك علي ممرضه بس ادا ماولدت في خلال ساعتين وولادتك اتعسرت شويه انا داومي ح يخلص في ساعتين والشفت للي بعدي كل الدكاتره الموجودين رجال. قالت طيب ممو مشكله ان شاءلله ماح تتعسر وماحتاج اشوف الدكتور
بلله ايش رايكم في الست هذه ؟؟؟ بصراحه عجبني قوتها واحترمتها بس لولا الله ثم انه وحده من الدكاتره رحمتها ودورت لها علي ممرضه كانت ح تروح فيها
يعني ادا كانت الدكتوره وحده عنصريه كانت تقول ماح غير قوانين المستشفي علشانك وكانت ح تكون في خطر
وانا اعتقد انه كويس انه الوحده تحاول قد ماتستطيع انه مايشوفها رجال بس احيانا اذا مافي خيار تاني احسلها ماتحط نفسها وطفلها في خطر زي كذا
ايش رآيكم ؟؟؟؟؟
خالة الكل @khal_alkl
عضوة نشيطة
يلزم عليك تسجيل الدخول أولًا لكتابة تعليق.
لا يمكنك مشاهدة هذا التعليق لانتهاكه شروط الاستخدام.
معاااك تماما
وخصوصا بدولة اجنبية صعب يلبوا لها طلبها
والدين يسر هذي ضرورووورة
وخصوصا بدولة اجنبية صعب يلبوا لها طلبها
والدين يسر هذي ضرورووورة
شوفي هي من حقها تطلب بس وقت الولاده الله المستعان الست تبغا تخلص من شدة الالم والكرب الله المستعان من حقها بس والله تعب الله يغفر لنا ويكتب لها ولنا الاجر
الصفحة الأخيرة
و الله ما يضرهم لو يجبون ممرضة اصلا لو كانت غربية و طلبت ممرضة كرشوا الممرض و جابوا لها الممرضة بدون لف و دوران
مستحيل مستشفى وش كبر ما فيه ممرضة متفرغة حتى ولو ما فيه يبدلون بين التمريض و يجيبون اللي يناسبها
بس هم حبوا يساومونها بمبادئها بس ربي ثبتها و هي كانت واثقة من رب العالمين انه كريم و راح يحفظها و طفلها و كل شئ سوته ل لله و ربي عوضها
اللي يقول انها غبية اسمحوا لي يعني هي اللي ماسكة الجنين ما يطلع و ماخرته حتى تجي الممرضة الجنين بيطلع وقت ما ربي كتب سواء و هي جالسة رجل على رجل و لا قاعدة تهاوش مع الرجال يعني هي ما عرضته للخطر هم اللي عرضوها و جنينها للخطر انهم ما دخلوها العمليات لان النبض ضعف
بعدين هي حره ما تبي رجال يولدها ترى سهل تكلمين بس يصير قدامك صعب الموقف و طبيعي تربيتنا الاسلامية سنين مَا نقدر نرميها بيوم و ليلة
أنا بحملي الاول ولدت بحكومي و طولت ما ولدت قالت الدكتورة بجيب الاستشاري يتدخل عاد أنا رفضت رجال طول و عرض اخليه يكشف علي مع ان حالة طارئة قلت لها هل تدخله عملية خليه يدخل غير كذا لا عاد هو دخل و صار وراي و يعطي الاوامر للدكتورة و هو بسلامته ما جاب شئ جديد بعدها قررت ولاداتي في خاص إيه بكيفي اختار الطاقم من الدكتورة حتى الممرضة اذا شكيتي منها بدلوها لك و اي خوف او خطر على طول قيصرية و لو الطاقم الكندي صادق كان قالوا لها عملية حالا لان اي ضعف ما يعطونك مجال على طول شق