ايش رايكم مو موضوعي

السلام عليكم ورحمة الله وبركاته
كيف حالكم جميعا ..
ابي مشورتكم في موضوعي انا متزوجة لي سنتين اهل زوجي ماعندهم بنات صغار كلهم فوق ٣٠ اعمارهم وانا عمري ٢٥ وهم مو متواصلين مع كل عايلتهم مقاطعين وهذا شي راجع لهم انا ماادخل بس متواصلين مع خال لهم عنده بنتين علاقتهم مره زينة وحدة من البنتين بسني بالعمر المهم اذا تجمعنا وجلست مع البنت هذي ام زوجي تصرفني تقولي زوجك اتصل يبغاك لما اطلع له يطلع مايبغاني ولا اتصل ومره تقول قومي اطلعي لزوجك عشية يجيهم ارباك لو جلست معاها تتصل علي ام زوجي ثاني يوم تقول ايش سولفتو ايش قلتو واذا سالت وانا مالي ربع ساعة جلستها مع البنت المهم عمتي ام زوجي ماتبغاني احتك في هذي البنت نهائيا وانا محترمة هذا الشي لكن اذا سآلت ليش قالو بس وزوجي يقولي انا مااعرف ايش السبب و بلا لقافه مو لازم تعرفين ويهددني بآمة اذا زعلت اذا تواصلت معاها طيب اهل زوجي مرره معاها تمام ويسافرون سوا بالسنة ٣ مرات ويمدحونها كثير وع فكرة زوجي قالي ان امه خطبتها لزوجي بس هي رفضت والبنت تحاول تتواصل معاي
تراسلني واتس اب تسال عني دايم .. زوجي يقول احضريها احذفي رقمها مره حذفت رقمها ورجعت تواصلت معي وسالتني احرجتني انا ما اقدر احضرها وهي ماسوت شي وانسانه ماشفت منها شي متعلمة ومثقفه وتجي دايم عند اهل زوجي ..
كثير اتهاوش مع زوجي انه يعرف مشاكلي مع اهلي ماينام الا ولازم يعرف واذا سالته عن مشاكل اهله يحلف انه مايعرف وان امه تخبي عليه ومشاكل حريم ..
حاليا انا تعبانه عند اهلي اليوم شفت لها رساله تسال عني وتقولي انا بتصل عليك اليوم ضروري ... هل ارد ولا اطنشها .. وبصراحة انا نفسي اتعرف عليها .. هل اتعرف عليها ولا ارضي بوضعي وخلاص ..
ياليت تنصحوني بدون تجريح ..