ايش رايكم نفيد ونستفيد

السلام عليكم ورحمة الله وبركاته
كيف الحال يا اخوات ؟
من الفضاواة مع اني توني مخلصة الامتحانات ولله الحمد بس محتارة وين اروح بذي الاجازة الطويلة
فقلت ليه ما يصير لنا موضوع كل وحدة تذكر فيه مدينة هي فيها او زارتها وعجبتها فتشارك بمعلومات عنها تصير لنا كالمرجع
وانا اولكم : انا في ولاية الينوي , امريكا ساكنة في قرية فالمدينة الوحيدة اللي رحتها هي شيكاغو
في شيكاغو مارحنا غير الداون تاون (طبعا بالسيارة فريناها بسرعة ) وعالم البحار وطلعنا السيرز تاور . ما ادري ما حسيت ان فيه شي جديد لان في السيرز تاور كاني في برج المملكة , وعلى الشاطئ احس ان شاطئ جدة والخبر احلى منها فما حسيت بشي جديد غير الناس بس << ههههههههههه
مريت بعد على كم مودينة صغيرة مثل كوينسي دخلنا المول حقهم وبيوريا دخلنا شيكي شيز عشان العيال يلعبون لانه الى الان هو المتنفس الوحيد للاطفال
احس انه في اماكن احلى بس ما ادري وين , هذا اللي خلاني افكر في ذا الموضوع
واعذروني اذا الموضوع مكرر لاني ما لقيت شي مشابه
لا انسى خواتنا المسافرات الى بلادهم .اولا: تروحون وترجعون بالسلامة وتقر اعينكم باهليكم (في رعاية الله ) ثانيا : لا تنسون تجيبون لنا ولو ريحة من ارض الوطن <<<<مشتاااااااااااقة .
واذا راجعين نهائيا لكم دعوة من القلب ان ربي يسدد خطاكم لما فيه خير الدنيا والاخرة وتكون الغربة تجربة جميلة في عالم الذكريات .

يالله عزيمتكم ياحلوين اذا عجبتكم الفكرة