مشكرة عزيزاتي على اجوبتكم مهو المشكله لو قلت لهم اراده ربنا وهو اللي بيرزق يرجعون يلفون ويقولون يعني في شي منك ولا من زوجك يعني مايتهنون حتى الواحد يجاوب وان جاوب مايخلص من اسئلتهم التاليه واللي هي خليه يتعالج راح الطبيب ولا لاء وهاتك يا حكي

انا اذا احد سالني يبان في وجهي وهالله هاالله يالعرق كل وجهي يصير عرق وارتبك
ماقدر اقول كلمتين على بعضها لاني بصراحه ماعرف اكذب نهائي والله كرهت الطلعه من هالسوال حتى اهلي مايعرفون السبب من مين واذا قلت لزوجي خليني اقولهم علشان
يرتاحون لانهم خايفين لايكون مني يرفض ويقول لا والله يعين لكن اذا احد سالني اقول
زوجي مايبي اللحين بس والله خايفه من ربي يعاقبني اذا كذبت لكن شنقول ؟؟؟؟؟؟؟؟

الله يعينك ويعينا انا مثلك اختى افضل حل عندي شخصيا اني اقول مني ولا اقول منه

ياربي من ذولا الحريم الي ورانا ورانا والله صرت اكره اروح الجمعات عشان ذا السؤال بس الله يرزقنا ويفكنا من شرهم
حبيبتي اذا سئلوكي قولي مانبغى دحين لاحقين على الاطفال وغثاهم >>هو صحيح من ورا قلبك راح تقولي ذا الكلام بس ايش تسوين عشان يسكتون
واذا قالو يعني تاخذي موانع قولي ايوه ولفي وجهك وطنشيهم يعني اقطعي عليهم السالفه لا تخليهم يتمادون بالاسئله
بصراحه ذي طريقتي الي متبعتها
الله يكون في عونا

احسن شيء يا خواتي الواحد ايقول الحمد لله مسألة وقت كل الموضوع ان الله سبحانه وتعالى أخر الحمل لوقت معين لا يعلمه الا هو وكل تأخيره فيها خيره يا رب ارزقنا ولا تحرمنا الذرية الصالحة