أجهز فطور محترم لأنه اليوم المفتوح بالريجيم
مرات ناخذ الفطور ونفطر مع ماماته ونرجع قبل الغدا ومرات نتغدا عندها
مرات بعد الفطور آخذ أولادي بيت أهلي ( هم في مدينة ثانية) ونرجع بالليل أنيمهم وأسهر مع زوجي ع فيلم مثلاً
مرات نروح دبي ونفطر في الشارع
اليوم أخذنا الأولاد عند خالتهم في مسقط ورحنا السينما أنا وزوجي ومن شوي طالعين والحين أرسل لكم وأنا في مطعم شامي أتعشى
الجمعة ننتظرها بفارغ الصبر بعد أسبوع متعب وضاغط

انا انام صباح الجمعه بعد صلاة الفجر واجلس ع اذان الظهر او قبله بشوي واعمل حلى او اجهز لطبق واتروش واروش ولدي واروح بيت اهلي غذاي يوم الجمعه معهم وزوجي يروح لاهله
طبعاً انام الفجر لان ليلة الجمعه اسهر مع خوات زوجي ببيتهم وارجع بيتي ع الفجر
والسبت هو يوم راحتي 😍
زوجي من يصحى ياخذ ولدي معاه او احياناً يخليه اخلص اشغالي واجلس امخمخ لحالي ❤️💆🏻‍♀️

اقوم اصلي الفجر وارجع انام الى قبل صلاة الجمعه بنص ساعه اقوم زوجي وولدي لصلاة الجمعه
يطلعون من هنا اقوم من هنا اخلص كم شغله خفيفه واصلي واجهز فطورنا
فطورنا يوم الجمعه بعد صلاة الجمعه
وباقي الوقت زي اي يوم

والله إنك صادقه عيد المسلمين
أنا أصحى الساعه ١٠ ونص واصحي أولادي وزوجي ياخذون شور ويلبسون وعلى المسجد واروح أغير لاولادي إلي عندي وبنتي واتوضا وأخذ مصحفي واقرأ في مصلاي إلى الأذان الثاني وأصلي واشغل على خطبة الحرم واستمع وأنا أجهز أكلهم أغلب شي ادامات أو نواشف وانتظرهم يجون ونفطر وكلا يروح في حاله في البيت يمارس هوايته قراءه رسم أي شيء
وأنا آخذ قيلولتي وصل اللهم على سيدنا محمد وعلى آله وصحبه أجمعين

الله حلوه جمعتكم ..
لازم اغير جمعتي واخلي لها جوها بالبيت كلها صارت لاهله ..
واحيانا يخليني عندهم ويروح مكه ..ولا لاصحابة