ايش سبب تصرفاتهم

السسسسلام عليكم
كل عاممم وأنتم بخير
ياااارب ينعااااد علينا وعليكم والجميع بصحه وعاااافيه🌹
والله ي بنات م تصدقون الراحه اللي بعد م سجلت بالمنتدى وبديت اطلع اللي بقلبي واشكي لكم قبل كنت أكتم واسكت وأبكي الحين ارتاحح اذا فضفضت وتكلمت هنا م شالله على بعض العضوات حكيمات وتعجبني ردودهم وطبقت بعض النصائح وجابت نتيجه معاي الله يسسسسعدهم ولا يحرمهم الاجر،،
امس كان عيدي وزوجي سوى ذبيحتين وعزم اهله م شالله كلهم وأعمامه وانا عزمت اخواتي بس وياليتني م عزمتهم بس متفشله من زوجي ولانه عيد صعبه م اعزمهم احنا سويناه فطور وغدى والضيوف جو من الساعه ٨ واخواتي كمان تخيلو من الصباح فطور وقهوه وشاهي وغسيل اواني وبنتي الصغيره بس تصيح تستنكر الناس وماعندي شغاله وككل ذَا واخواتي ولا وحده ساعدتني لا بالبيت ولا مسكو بنتي بالعكس كل م شافوها ساكته يعصبونها ويبكونها ويخوفونها لين تبكي وحطينا الغدى متاخر ع الساعه ٣ بعد الغدى وحده غسلت صحن ووحده كنست الصاله وهي مستعجله زي المغصوبة عشان الحريم بس والله كنستها وراها وانا والله م ابغى يساعدوني ماعندي مشكله بس يفكووووني من عيالهم وغثاهم😩 اقسسسم بالله الضيوف عندي بكفه وشقاووووة عيال اخواتي بكفه لوحدها اشغلوني كل م طلب امه شي تنااااديني من المطبخ وانا مشغوله اعطي ولدي مويا الثانيه جيبي لولدي عصير والله حسّيت اني شغاله عندهم ولا وحده قامت تساعد كأني غريبه ماني اختهم بلعتها ليتهم يسكتون تعالي جيبي وتعالي سوي الحريم الأغراب ببيتي م سوووها حتى عمة زوجي قالت تعبناك معليش ردت اختي عادي احنا ضيوف بالله الضيف يسوووي كذا ؟
عيالهم يلعبون بالمويا ويكبون العصير ولا وحده قامت تكلمت ععااادي عندهم لو كلمتها بتقول احنا ضيوف قلت لبنتي اللي تشوفين معاه كأسه او قارورة مويا خذيها وولد اختي معاه ويرمي ع السراميك وبنتي اخذتها واختي تعطيني نظره انا وبنتي يعني خلوها مع ولدي يلعب ويرش البيت وانا امسح اهم شي راحت ولدها ولا انا م هميتها تعبت.ولا لا والثانيه تقول افتحي غرفة عيالكً خلي عيالنا يلعبون بالغرفه مع العلم غرفة عيالي جديده مالها شهر مفصلتها لهم وقلت يخربونها الاطفال قالت لا لا بس يجلسون فتحتها الا الموز ع الفرش والألوان ع الدولاب وبذات ان ددولابهم ابيض قسم قهروني وأخرجتهم البزران جاتني اختي تهاوش بالمطبخ ليش تخرجينهم كله عشان موز ع الفرش زعلتي محسسستني انه شي عادي م يزعل وإني مكبره الموضوع مدري كيف يفهمون وتقولها وتضحك وطول الجلسسسه جيبي حطي هاتي خلي وانا ساكته قلت كم ساعه ويروحون م يحسون فيني ولا هامهم لو بيتي كله يتكسسسر يشوفونه عادي ويحسسسوني اني ماعندي سالفه ويحسسسون هم الصح وانا الغلط واختي الثانيه بعد الغدى بتلم شعرها وم معاها شباصه حصلتها عند المدخل تحاول تاخذ شباصة بنتي تقول انتي من امس شعرك رافعته هاتيها وبنتي رفضت وتعلي صوتها ومن جيت تقول خلي بنتك تعطيني الشباصه عيالكً م يحترمون اللي اكبر منهم تبغاني اهاوش بنتي وأخذ شباصتها عشان حضرتها يارفعت ظغطي قلت لبنتي اذا م تبغين لا تعطينها تقول المفروض تغصبينها تعطيني الشباصه انا خالتها واكبر منها والله بغيت اقولها تعلمي انتي احترام بيوت االناس وبعدين تكلمي
سالتكم بالله فسسسرولي تصرفاتهم؟ عجزت أفهمهم اقسم بالله والله انهم فشششلوني قدام الضيوف وتعبوني بعيالهم وأحاول اسكت عشان عيد ولا يفيد فيهم حاطيني اني م اعلم عيالي الاحترام وإني ماعرف حقوق الضيف بالله الضيف يجي يأذي الناس بعياله ولا يمسح ولا يكنس ورى عياله انا والله مشغوله بين قهوه وشاهي للحريم والرجال وربي تعبت تعب وتكسسسرت رجولي وهما متكيات واذا تكلمت قالو احنا ضيوف غير لعب عيالهم بالبيت اللي يفتح الباب ويقف بالوسط وم يبغى الباب يتسكر وامه تقول خليه يعني الضيف له حقوق وأهل البيت مالهم حق ببيتهم
واختي الثانيه تلعب لعبه بالجوال و بنتي بعد الغدى نامت وبنتي اختي جنبها قمت شلت بنتي وديتها غرفتها ومن جيت جلست يكلمون بعض شوفو شالت بنتها بس م شالت فلأنه اللي هي بنت اختي المشكله امها جالسه تلعب ع الجوال انا احس حركاتهم امس والله متعمدين الاذيه لي واذا عطيتهم قهوه وشوكلاته قالت وحده منهم م نبغى شوكلاته ملينا منها سوي لنا حلى ولا كيكه بالله هذولي اخوات يشوفوني اكرف ولا يسسساعدون ويتشششرطون بعد والله ام زوجي وأخته ساعدوني بالمطبخ وأم زوجي جلست تسب اخواتي حسيتها مقهوره من اللي تشششوفه ام زوجي تمسك بنتي شويات وتعطيها بنتها وتجي تساعد انا خلاص تفشششلت تمنيت اني م كلمتهم افكرررر م عاد اعزمهم ببيتي ابدا والله اكثر شي هلكني وتعبني عيالهم واقفه جالسه بسببهم وهن يسولفن ويتقهوون وانا ورى عيالهم بالله عططططوني رأيكم اذا انا غلطانه علموني والله اني دايم اذا رحت لهم اخدمهم وبذات اذا شفت عليهم ظغط اذكر انا حامل واختي عندها عزومه اقسم بالله اني كرررفت عندها كرف مع اني كنت حاول وهم الوحده لا حامل ولا فيها شي صحن تحت رجولها م تساعد انا مشكلتي احس بتأنيب الضمير اذا شفت احد يحتاج مساعده وم ساعدته احس اني نذله افكر م عاااد أساعدهم لو بنفاس اطنشهم