اللهم صل وسلم على سيدنا محمد صلى الله عليه وسلم

انا كنت نظيفه ويضرب بي المثل من كنت بنت امي كانت مرتاحه اشتغل من كان عمري 8سنين وتزوجت عمري 16والله زوجي انجن من شغلي كنت اطبخ الذبائح وبيتي دايم نظيف ورائحته زكيه حتى أخوات زوجي جننهم شغلي وحمواتي يغرون مني والله بدون مبالغه وتربيتي لعيالي يضربون فيها المثل وبعد ماجبت ولدي الرابع تغير كل شي نفسيتي تعبت اذا اشتغلت 5دقايق أحس مشتغله لمدة يومين وفجاه طلع فيني أورام وسويت عمليات واللحين الأعصاب عندي تعبانه يقولون لازم عمليه ايديني ماقدر أشيل شي ولا اشتغل تخيلو زوجي صار مايطيقني وحمواتي صار يعيروني نسو مامضى ويقولون وسخه ويحرشون زوجي علي يعني مارحموني ولا قالو مريضه وتعبت نفسيتي وكرهتهم وطلبت الطلاق ماصدق على طول طلق اللحين ساكنه انا وعيالي والله حتى الشغاله ماقدر اجيبها ظروفي صعبه أدعو لي بتيسير الامور ولا يفرق بيني انا وعيالي

السر قومه الصباح هي السر بصراحه

الله يشفيكي ويعافيكم ويعفو عنكم ويسخر لك عباده الصالحين

نصيحه الي ري رازقها النظافه والنشاط لاتعاير احد وتترصد للناس فلانه وسخه وفلانه فيها
وانا النظيفه المرتبه النشيطه والله لاحظت هالصفه في كثير حريم وربي خلاهم مثل الي عيروهم
قولي الحمدلله وانشغلي بنفسك واتركي نقص الناس وعيوبهم و التمسي لهم العذر وادعي للي تشوفينها مقصره ولا تحكين عنها

انا اول ماتزوجت كنت اشوف حماتي وسخه و لاسترت عليها الله يغفرلي
كانوا حمواتي يتكلمون عنها حمواتي وعمتي انها وسخه وبدال مااذب عنها واكسب اجر للاسف كنت اتكلم معهم
وكنت جد مراهقه ومااتحمل احد و كن الدنيا بايدي
ويوم جوني اطفال تجي ايام البيت مخبوص وكنت اخاااااااااااف مره ان انفضح زيها
وللاسف 3 مرات جو ضيوف فجاه وهم نفس الي كانوا يتكلمون في حماتي وشافوا بيتي في اسوء حالاته
مع اني كنت مسقطه معذوره تعبت مرره بحملي الين سقطت والبيت انعفسسس
وطبعا ماالتمسوا لي عذر زيي بالضبط يوم عيرت حماتي ومالتمست لها عذر
وتكلموا بي عند الناس وانا ساكته والله احس ذنب سويته وربي رجعه لي واستغفرت لي ولحماتي وتصدقت عنها
وتوووووبه مااعد اتكلم بوحده لو اشوف ايش عندها الله يستر عالجميع
واليي دايم مستلمه حريم الجماعه بالنظافه والرفاله وبس تجيب تقارير تخيلوا جاها مرض بالحوض احتكاك مدري ايش
المهم تعرج وماتقدر تمشي كثير شوفوا ربي كيف نزع منها العافيه من لسانها
والثانيه فيها غده و فيها سكر وفيها دوالي برجولها وكلهم صغار ببدايه الثلاثين بس ربي ورانا ان ان العافيه والنشاط رزق والرزق محد يتكبر به و كنه هو جابه لنفسه

وثاني شي اصلا التمدح وانا وانا يجيب لك عيون انتي بغنى عنها
فخليك نظيفه طاعه لله ولرسوله الي امرنا بالنظافه ولا تاخذينها فشخره و استعلاء


معليش خرجت عن الموضوع

انا اشوف السر بالبركه والصحه
وفي بعضهم من الله ماترتاح
اعرف وحده امها مو نظيفه وهي نحللله قليله بسم الله عليها فما شرط الام ولا التعويد
ياما امهات نظيفات وبناتهم العكس

ونصيحتي اشربوا مويه 3 لتر باليوم
واصحوا الصبح وناموا بدري وتعرضوا للشمس وخلوها تدخل البيت
التمر لو 3 حبات
لاتفكرين كثير تدخلين المطبخ لاتطلعين الا وهو نظيف ولا تاجلين بعدين ارجعله
كل مامشيتي ب بيتك لقطي الي قدامك واكنسي
وكل مادخلتي الحمام بصلاه الفجر اشطفيه بمطهر
وحافظي عالصلاه وشوفي البررركه