ممكن تسوي فيه إيدام بالسبانخ والعدس

سوي ايدام رجلة وحطي عليها شوية عدس يعطيها مذاق روعه وكمان اسلقي العدس ومعاه طماطم وبصل مطحونه وبعد ماتستوي و يكون قوامه متوسط حطي فلفل وكمون وهرد وملح وماجي وفي التاوه حطي زيت وثوم مفروم ناعم وقلبيها مع بعض الى ان يحمر الثوم تحمير خفيف وحطيه على العدس ويطبخ دقايق ولما تحطيه في الصحن تحطي على الوجه زيت زيتون طبعا الأجداد كانوا يحطوا سمن بلدي واحنا أستبدلناه بزيت الزيتون وكمان الرز بالعدس تحطي مع العدس رز أمريكي أبو بنت او أبو سيوف ينسلق مع العدس وكمية الرز ضعف كمية العدس مثلا كوب رز و نصف كوب عدس و تتبعي نفس الخطوات السابقه دعواتك يا أختي بتفريج كرباتنا وأخواننا المسلمين