ايش كان حلمك تصيرين 👸

ما اكثر الاحلام والامنيات التي نعيشها في الصغر
وما ان نكبر حتى تتلوث امنياتنا بالواقع المر فتنهار الاحلام وتموت الامنيات ويبقى الامل ..يبقى الامل

كان خاطري ادرس أدب إنجليزي
لكن ربي ماكتب
ودرست علوم حاسب ،،
قدر الله وماشاء فعل


خبرينا عنك ياصاحبة الموضوع دام طرحتي هذا الموضوع ،،

الله على ايااام الماضي ذكريات جميله
ماكان في بالي شيء محدد المهم اني اخلص دراستي وبس
والحمد لله تحقق لي هالشئ

شوفوا ياطويلات العمر وانا صغيرونه احلم اني اصير دكتوره بس كبرت شوي اكتشفت اني مااحب مواد العلمي يعني مايصير ادبي ودكتوره وبعدين قلت عربي او علم نفس وبعدين انخطبت قبل الجامعه وبعدين اتزوجت وبعدين كبرت مخدتي ونمت وبعدين خلفت عيال وبعدين ندمت اني ماكملت
وتوته توته خلصت الحتوته

كنت أتمنى أصير أم تربي أبناءها التربية الاسلامية
وكتبته بموضوع تعبير بالمدرسة لما كنت بأولى متوسط
وببساطه تخرجت من المتوسط والثانوي والجامعه وعديت الـ30 وما عمري انخطبت
فحلمي صار في مكب النفايات الحين
والحمد لله على كل حال