اهليييييييين بنات

صورت لكم بلكونتي

هذي صوره ملكه الليل وجنبها جوري بس ماتزهر الا بالشتاء والربيع اما بالصيف تصغر وتطيح اوراقها مدري ليه مع اني اسمدها


وهذي اللي بالوسط كانت بنات ظل بالبيت بس ماتت وطاحت اوراقها وطلعتها بالبلكون ونبتت من جديد
واللي عاليسار فل ريحته روووعه وهذا وقته يزهر
وعاليمين ملكه الليل

وهذي فل عندي من اربع سنوات كانت بحوض كبيره واضطريت احطها بحوض صغير يوم بغينا نسافر عشان نطلعها يسقيها العامل


وهذي بنات ظل ماتت مررره خلاص فقدت الامل فيها وطلعتها بالبلكونه بس وصارت الخدامه تسقيها وطلعت من جديد

وهذي الجوري طاااحت اوراقها يوم جاء الحر
وجمبها سرير مصفوط ما نستخدمه وحطيته على جنب بالبلكونه وجاء نحل وحط له خليه عند هالازهاااار
والخدامه تخاف تكنس اللي جنب الخليه تخاف يلسهونها النحل
صرنا ما نطلع بالبلكونه ابد يخافون منه بناتي

وذا عطره ريحتها جنااااان

وهذا صبار وجنبه ريحان بس طاحت اغلب اوراقه

وهذي الريحان

وهذا نبات ظل نبت من جديد بعد شاريته يمكن من ست شهور وطاحت اوراقه وطلعته بالبلكونه

وهذي شتلات صغيره طلعت من الصبار وشالتها الخدامه وحطتها في احواض صغيره

وهذا البقدونس اللي بذرته بالشتاء


وذا النعنااااع عندي من سته اشهر بس ماكبره مره


وهذا سبانخ

وهذي احواض شريتها من لبنان عشان اعلقها على حديد البلكونه ويطلع شكل البلكونه حلو من برى وحطيت فيها دبااي عشان يلف عالحديد وخليت مساحه احط فيه الزهور الموسميه

وهذا صبار صغنووون لقيته بمهرجان الزهور وعجبني شكله وحطيته بالمطبخ
اخذته من مهرجان الزهور ب20 وانا شايفته بالمشاتل ب50 ريال والله انهم نصابين


وهذي كل زراعتي فيه شي شاريته من زمان وشي يمكن من سته شهور وشي باذرته مثل البقدونس والسبانخ
وان شاء الله اروح للمشاتل واجيب زهور ماتموت بالصيف
وحطيj الشجر باحواض صغار عشان يسهل نقلهن لبرى لو بغينا نسافر اما الاحواض الكبيره صعبه مره انقلها لبرى ثقيله مررررره

السلام عليكم
مساء الخير
اخواتي العزيزات اي شي ممكن تزرعينه واحسن شي الابهارات حتى تكون طازجه وريحتها قويه وخضار السلطه