ازرعو اكليل الجبل جدا رائع شتلات من المشتل بسرعه يطلع وريحته جدا طيبه

تقريبآ زوجي يوم تزوجته اغلب الخضار اللي نحتاجها يوميآ ماشاء الله موجوده بمزرعته.....من نعناع وبقدونس وكزبره وطماطم وجرجير وبصل اخضر .....

وانا اتحمست وجبتله شتلة حبق وزرعها وماشاء الله طلعت واتحمست مره ثانيه وطلبته يزرع الدوش وجبنا الشتلات من المدينه ووقتها بالشتا افضل وقت وماشاء الله وبخلال 4 شهور طلعت..وجبتله شتلة اكليل الجبل > روزميري< ويقولي انها طلعت ماشاء الله ..............ايييييييييييييييييييه تذكرت وصيت وحده من صاحباتي تجيبلي من الاردن زعتر بري وزرعناه والحين طلع ماشاء الله وهذا بالطبخ ماتستغنين عنه .....يعني ماشاء الله تقدرين كل شي تزرعينه ...........بس شدي حيلك

من تريد زرع النعناع والحبق ماعليها سوا أخذ العيدان ووضعها في كاسه وفيها مويه

وكل يومين تغير المويه ولمى تطلع الجذور نغرسها في التربه والنعناع والحبق يبغاله مويه باستمرار

من تريد غرس البصل تاخذ البصل حق الطبخ وتقطعه بالطول اربعه اوسته وتتضع القطع في التربه ويطلع لها بصل أخضر


البطاطس احيانن يطلع لها زي البراعم وهيه في المطبخ خاصه أذا طولت ماعليك سوا أخذها ووضعها في

التربه بس ماتغطينها مره وكم يوم وتبدا تطلع لك الاوراق انا لي فتره من يوم زرعتها بس مادري كم تجلس ..فتره وشوف عنها

عندي في الحوش قشطه وماشاء الله بسرعه كبرت وطلعت بس خذي البذور وضعيها في التربه وبسرعه تطلع خاصه الاماكن الحاره

الريحان من النباتت الجميله وزراعته سهله وبسرعه يكبر ولما تقص الشتله تتفرع وتكبر

الطماطم زرعتها بس لسى صغيره والعام الماضي زرعتها في الحوش وماشاء الله طلعت بس كانت الثمره صغيره

والي ماعندها بذور مجففه ماعليك الا أخذ حبة طماطم ونقسمها من النصف واخذ البذور وعلى طول في التربه اذا طلعت وكبرت شويه ممكن نباعد الشتلات عن بعض الجرجير زرعته العام الماضي ماشاء الله جلست فتره ماشتري السنه هاذي زرعته

ومازبط مادري ليه وناويه ازرعه هذي الايام وأن شاء الله يزبط وعندي ليمونه في الحوش شريتها شتله صغيره والحين الحمد لله تطلع

وعندي اليوسف اولادي ياكلون ويضعون البذورفي التربه وسبحان الله طلع بس لسى ماطلع الثمر

وزرعت موز ومنقى حبيت افيدكم بالاشياء المجربه في مدينة جده وسلامتكم

الله يعطيك العافيه عالموضوع ,, ويجزى بالخير كل من افادتنا


انا زيكم احب ازرع واسقي وامطرس ,, واحس اكثر شي بستفيد منه الورقيات ,, لان اللي نشتريه يخرب بسرعه واستخدامي له موب كثير


ركزت نعناع ومات مدري وراه ؟؟ عاد جايبين شتله من مزرعه وقد جربت نعناع هالمزرعه يهبل ...
تتوقعون من الحراره ولا يحتاج سماد ولا وش الخطأ؟


والكزبره بعد بذرتها وخليت الحوض في المطبخ ونبتت ما شاء الله بس انشغلت عنها وماتت
نفسي في بقدونس بس سعر البذور عند ابن منقاش يروع ؟؟



وفيه معلومه حبيت افيدكم بها ... ان الورقيات يكفي تبذرينها مره وحده في الموسم ,, واذا طلعت اقطعيها لا تسحبينها من الارض ,, وترجع تطلع من جديد ,,



تعرفون طيب عن الخس ؟؟ ولا ما ينفع في احواض؟؟ والفلفل بعد دخل مزاجي ,,

والله هبلت فينا فتافيت
انا زيكم ودي اكل من بيتي بس عندي واحد كسووول
مايبي يرح يقسم لي الحوش ويحط لي تراب

اموت بالزراعة ودي ازرع بقدونس وكزبرة وشبت ونعناع وفجل وفراولة وطماطم وخس وكل شي
بس يجي التراب واوريكم سناعتي