لينا 2009 :

طيب هل فكرتوا ببساطة ليه اطفالكم ينضربون ؟ تمر علينا نماذج امهات لو تشوف ولدها يضرب او يقل ادبه بألفاظ بذيئة على الكبار او يتجاوز حدوده نلقاها تتفرج وساكتة وكأنه عاجبه الوضع هنا شي طبيعي ان الكبير اللي تعرض للموقف راح يضرب هالطفل ,, لو كل ام راقبت سلوك اطفالها بالتجمعات مع الأهل والأقارب واذا اخطأ وجهته للصح ماكان تعرض للضرب ,, طبعا انا اقول هالكلام وانا لايمكن افكر امد يدي على طفل لأني امووووت بالأطفال لكن شفت مواقف كنت اشوف عمة الطفل او خالته تمد يدها وتضربه وانا اقول في نفسي ( تسلم يمينك) نجتمع شهريا في استراحة كبيرة عائلية فيها مسبحين مسبح خاص للأطفال ومسبح للكبار .. نلبس مايوهاتنا حنا يالبنات وننزل بمسبح الكبار وفجأة يطلع لنا بثر عمره 4 سنوات وراسه والف سيف الا يسبح معانا ماهو مع الصغار عاد حنا نخاف يغرق بسببنا ونتحمل المسؤولية نقول لأمه اقنعيه تصد وتتركنا !! وقتها وش نسوي ؟ جت عمة الطفل واعطته كف وجلس يبكى يوم بكى زعلت امه خخخخ طيب ماكان من الأول اخذتي طفلك وعلمتيه الادب قبل تعرضينه وتعرضين نفسك للمواقف البايخة

طيب هل فكرتوا ببساطة ليه اطفالكم ينضربون ؟ تمر علينا نماذج امهات لو تشوف ولدها يضرب او يقل...

ام وجه السعد :

بالنسبه لي اذا غلط ولدي وهو متعمد وفاهم اللي ممكن يصيره ما ازعل واسوي نفسي ما شفت انه انضرب ولمن نكون لحالنا انا وولدي افهمه ان تصرفه مو حلو وانه غلط علي لمن عمل هذا التصرف وانه يستاهل اللي صار له بس اذا كان سنه صغير سنتين او ثلاثه لالالالالالالا ماسمح لحد يضربه او يمد يده عليه خاصه اذا كنت حاسه انه مستقصده ساعتها اوقفه عند حده بالكلام مثلا اقولها لو سمحتي عطيني خبر ايش عمل وانا اتفاهم معه بس تمدي يدك لا واذا في صدرك شيء تكلمي مو تحطي حرتك في البزر واذا كانت من طرف زوجي ابلغه وهو مايقصر يقوم بالواجب لانه جنونه ينضربوا عياله بس في نفس الوقت اكون حريصه على عيالي وتصرفاتهم مو انسجم في السوالف واخلي الجمل بما حمل او اشوف واطنش واقول صغير مايفهم لان انا امهم اتحملهم بس غيري مو ملزوم فيهم

بالنسبه لي اذا غلط ولدي وهو متعمد وفاهم اللي ممكن يصيره ما ازعل واسوي نفسي ...