هلا اختي .. تبين الصراحة الغلطة غلطة زوجك
اولا هذا صديقة من الابتدائي ما يعرف طبايعهم وعاداتهم وتقاليدهم
وطريقة حياتهم .. المفروض يعطيك فكرة عن الناس اللي بتروحين تزورينهم
ثانيا بما انكم رحتوا وصلتوا لبيت صديقة ودخلتوا المجلس سواء انتي وزوجك وصديقة
المفروض يطلع على طول ويقول نروح مجلس ثاني .. وخلي النساء هنا
يعني جالسين عادي لما تدخل زوجتة يصيييير مو عاااادي ... على الاقل انتي قولي
لصاحبة البيت افضل نجلس في مكان ثاني لحالنا .. واتحملي هالزيارة عشان زوجك
موب سب وصياح .. معليش اختي على كلامي بس لازمي تتعودين تتحكمين في اعصابك
لان الناس يختلفون في طبايعهم حتى لو من منطقة وحدة

لا حول ولا قوة الا بالله الحين صار الي على حق غلط والشواذ هم الي صح؟؟
بالنسبة لنا يا أهل السعودية وخصوصا اهل نجد ما فيه شي زي كذا.. صعبة هاللبس حتى عند المحارم فما بالك لاصدقاء ازواجنا!!
وحتى لو هي غلطت بتصرفها ما الومها لان الموقف مفاجئ وغير متوقع والي ما جرب هالمواقف بيعذرها..لاني ما اتخيل ازور ناس وتدخل علي حرمة لابسة لزوجي زي ما البس انا !! قولوا وش الفرق بيني وبينها اجل ؟؟
بعض الردود غريبة وهذا بسبب هالمناظر الي يقولون اانهم يشوفونها بكل مكان عادي فصارت المواقف الي زي هذي عادي عندهم اجل وش بيأثر فيكم ااذا كان دخول امرأة سعودية على صديق زوجها وبالبنطلون عادي؟؟
موب معناته انكم تعودتوا انكم تشوفون الغلط انه صار عادي!!

هلا اختي جرح ورا جرح
من قالك ان نجد ما فيها زي كذا
اعوذ بالله ترى الدنيا يااختي تغيييييرت مررررررة
انا وحدة من قريباتي في ملكتها يوم جو حمولتها كانوا حريم اخوان زوجها جايين
وداخليين كاشفين قدام زوجها وسعوديات ومن الحمايل بعد
حتى ام العروس ارتااااااااااعت مرة .. وصارت تحلف بنتها انها ما تكشف وتتغطى
خافت يأثرون على بنتها بعدين
وقصص كثيييرة نسمعها والشكوى لله عن هالامور
يعني في كل مكان فية الصالح والطالح والله يثبتنا على دينة

والله انك بنت رجال والي يقول غير هذا الكلام ماعنده سالفه اجل اتباع قول الله وقول الرسول اصبح قلة ذوق وعدم ثقه في النفس الم يقول خير البريه من راى منكم منكرا فل يغيره بيده فان لم يستطع فبلسانه فان لم يستطع فبقلبه وذلك اضعف الايمان
الم يقل الحق جل وعلى000 وليضربنا بخمورهن على جيوبهن ولايبدين زينتهن00 الايه
اي بريستيج عليها ان تراعي والي تقول انتي في بيتها المفروض تسكتين اي تسكت وهي داخله على زوجها ببنطلون لا ويبغونهم يجلسون سوا اتقوا الله ءاصبح الامر بالمعروف عدم ثقه والسكوت عن المنكر بريستيج فعلا انا في وقت القابض على دينه كالقابض على جمر جزاك الله خيرا على مافعلتي
وبالناقص معرفته هو وزوجته
وختاما اذكر لكم حديث رسول الله صلى الله عليه وسلم000لا يدخل الجنة ديوث000
فبعدكم عنهم غنيمه0

بصراحة...
المفروض كان عرفت ملامح عريضة عن هاللي بتروحون لهم قبل...
بس يالله درس وإن شاء الله كلنا نستفيد منه..
أما ردة فعلي..والله ما أعرف (ماني متخيلة) الله لايحطني بموقف مثله ياااارب.