ايش نسوي مع ابووووي الله يسامحه

خواتي الله يسعدكن ابيكم تشورون على امي . وودي انكم تفيدونها لان في هم مايعلم به الا ربي

ابوي طيب ومايغلط على امي ولاعلينا

هوو متزوج على امي من زمان لكن من يوم تزوج انقلب صار مايسال فامي والله تصرفاته الله يسامحه ترفع الضغط ولاترضينا لانه مهمشها ولا يعبرها لايسال عنها ولاشي وشوي شوي حتى يومها صار مايجي للبيت غير الساعه 11 في الليل ويروح الساعه 6 الصبح وعليها مايجي غير اليوم اللي بعده الساعه 11 الليل موقت

جدتي دخلت المستشفى مادق عليها ولا قال لها حمدلله ع السلامه والعيد ماعايدها

باختصار هو مايعترف بشي من جهه امي

لكن زوجته الثانيه يطلعها ويمشيها وعايش حياته طبيعي معها

لكن امي واخواني لهم فوق ال 4 سنوات ماركبو سيارته عشانه معتمد على اخوي اللي يسوق ماله سنه

حتى الخبز لاقلناله جيبه قال خلوو اخوكم

امي محزنتني لاحول لها ولاقوه

نفسها يشتري لها بيت زي الناس عشان تأمن مستقبلها معه بس للحين ماجابه

هووو مايكرهها بس ماتعني له شي تمرض تتعب يسال عنها وبس مايكلف نفسه يسوي اي شي عشانها

هي ماتساهل شايلته على كفوف الراحه وماشاء الله عليها مافي احد مايمدحها على سناعتها الله يخليها لنا

لا تقولون لنا كلموه ابوي من النوع الجاف ولاكلمناه غير يعصب ويحس اننا تدخلنا بشي خاص بالنسبه له

ويكبر السالفه . ويمكن يزعل علي وامي تقول انا مابغاه يحس اني اعلمكم بمشاكلنا يحسبها تحرشنا عليه

تكفون ايش تنصحونها تسوي ترى هم متزوجين لهم 23 سنه لاتجي وحده تقول تطلقي والا سيبي له البيت وامشي

وكانو عايشين حياه طبيعيه لين تزوج الله يسامحه تحسينه زي المصروف عنها هي بس والا احنا عياله يسال عننا وكذا مع انه مو زي اهتمامه بعياله الثانين .


مع انه مافيهم زود ملابس تجيب الهم وبيت يقرف بس ماادري ليه متعلق فيها وفعيالها

يارب تسخر ابوي لامي وتجعله يعاملها بما يرضيك يارب