ايش هو الاهم يا تاجرات (( دروس في التسويق))

r1ksa :

حبيبتي سؤالك هذا يعتمد على المنتج اول شي انتي درستي تسويق او مادة تسويق بالجامعه؟؟ الشركات تعتمد طريقتين بالتسعير منتج يكون متوفر بشكل كبير و يتم انتاجه بكميات كبيره و يسمونه Mass production و هو يكون سعره رخيص المنتج هذا راح يكون منتشر طبعا في نقاط بيع كثيره و متعدده في المنطقه الوحده مثل منتجات البقاله !! وانتشاره بهالشكل يساعد على تخفيض السعر لصالح عدد المشترين الكثيرين اللي راح ياخذونه يعني هل منتجك يحتاجه 3 اشخاص بمنطقتك والا 30 شخص والا 3000 شخص!! منتج يكون متوفر بكميات قليله و سعره غالي او فوق المتوسط ((حنا نتكلم من الورقه لييييييييين الطياره)) هذا المنتج غالبا يكون متوفر بكميات قليله او محدوده و يكون في نقاط بيع قليله في منطقتك واحيانا بالدوله كلها مثلا سابك شركه وحده توزع عالميا لنقاط بيع محدوده و زبائنها محدودين لكن سلعتها طبعا اساسيه او السيارات الفارهه جدا مثل اللمبرغيني .. الشركه المنتجه وحده بالعالم لكنها كافيه لتغطية عدد السيارات المحدود اللي تنتجها لان سعرها عالي و مو كل الناس يقتنيها فا يرفعون السعر لعدة اسباب : المواد - اليد العامله - الضرائب - الجوده - التقنيه - وغيره امور كثير طيب .. نسبة هامش الربح في المنتج الغالي اقل منها في المنتج الرخيص يعني قلم بريالين ممكن تكون نسبة الربح الاجماليه ((من المصنع و المخازن والموزعين والموردين و المحلات...)) يعني 60% لكن سياره بورش قيمتها 600 الف ريال نسبة الربح ما تتجاوز 7% !!! تخيلي وهذا كلام من مصدر ثقه! تحسين اني ابربر كثير صح؟؟ بس اللي ابي اشرحه لك علشان يسهل عليك الموضوع ان تحديد السعر راح يعتمد على الشريحه المستهدفه هل شريحتك الفئه اللي دخلها اقل من 5000 ريال بالشهر؟ هل انتي تبين الفئه الثريه اللي دخلها فوق 100 الف بالشهر؟ هل هم حريم ؟ طيب الحريم مو كلهم ياخذون فلوس تتلائم مع الدخل المعلن للاسر في منطقتك!! ((هذي لها حسبه طبعا)) هل هم اطفال ؟ طيب السلعه لازم تكون رخيصه نوعا ما علشان القرار بيد الاهل فا لازم يغريهم!

حبيبتي سؤالك هذا يعتمد على المنتج اول شي انتي درستي تسويق او مادة تسويق بالجامعه؟؟ الشركات...