السلام عليكم
اخواتي الله يسعدكم احتاج اسألكم بخصوص موضوع الخطبة و آدابه لانها اكيد تختلف بس في اشياء عامة يتفق عليها الاغلب و في اشياء تعتبر خط احمر انا احتاج اعرف هالامور واحتاج شوركم
في وحدة تواصلت مع امي بحجة انها حابه تشوفنا انا وخواتي عشانها تدور عروسة ومن هالكلام رحبت فيها امي وحددت يوم و جت زارتنا زيارة قصيرة و سلمنا عليها و جلسنا شوي وكانت حبوبة و ماخذه راحتها و انتهى الموضوع
الى الان الامور تمام
بس المشكلة بعدها سكتت وماعاد ردت لأمي لا بالرفض ولا بالايجاب
ظلت ساكته تقريبًا اسبوعين و بعدها ارسلت لامي رسالة مختصرة جدًا تطلب فيها رقم ابوي
انا وامي مستغربين من تصرفها لانها حتى ما قالت اعجبتني البنت الفلانية او ما اعجبتني ابد ما جابت طاري و فجأه تطلب رقم ابوي بدون مقدمات و طبعًا احنا اكثر من بنت و هي جايه تخطب وحدة بس ولا حددت حتى
تحسون هالتصرف عادي ؟ واحنا بس مبالغين ومتخوفين ؟ ولا التصرف غريب ؟
و شوروا علينا ايش المفترض نسوي الان و ايش نرد عليها ؟
مع العلم انا ما احس اني مرتاحة من خوف امي رغم اني ما اعرف شي عن الولد لسى
Maha97 @maha97
عضوة جديدة
يلزم عليك تسجيل الدخول أولًا لكتابة تعليق.
Muna33
•
لا ياقلبي عادي طبيعي الامر يمكن خلاص يبغونكم وارتاحوا لكم بس يبون رقم ابوك عشان الرجال يتفاهموا بينهم البين ويكلم ابو الولد ابوكم ويفهموا عادات بعض يعني الخطبه اصلاً كلها اساسها كلام رجال هم اللي يتفقوا ع كل شي وهم اللي يسألوا عن بعض يمكن الو الولد يبي يتعرف ع ابوك اكثر ويسأل ابوك عن كل تفاصيلكم يعني وش شروط البنت وووو ف شي طبيعي خلاص اعطوها رقم ابوكم ترا ماراح تاكلكم ان كان دقو ع ابوكم وكلموه بخصوص الخطبه او خلاص الموضوع بسيط ياقلبي 🤣
vip_sa
•
غريب انه اهلك رضوا تدخلون كلكم ، المتعارف انه البنت اللي جايين يخطبونها هي اللي المفروض تدخل ، مو أخيرهم ببناتي ؟؟ مرة ماحبيت الحركة ، عموما الله يوفقك ياعمري ويكتب لكم النصيب الصالح انت وخواتك ، واكيد يبون رقم ابوك عشان الخطبة والا وش يبون فيه مثلا
Muna33
•
vip_sa :
غريب انه اهلك رضوا تدخلون كلكم ، المتعارف انه البنت اللي جايين يخطبونها هي اللي المفروض تدخل ، مو أخيرهم ببناتي ؟؟ مرة ماحبيت الحركة ، عموما الله يوفقك ياعمري ويكتب لكم النصيب الصالح انت وخواتك ، واكيد يبون رقم ابوك عشان الخطبة والا وش يبون فيه مثلاغريب انه اهلك رضوا تدخلون كلكم ، المتعارف انه البنت اللي جايين يخطبونها هي اللي المفروض تدخل ، مو...
لا عادي ياقلبي فيه ناس كذا يطلبون يشوفون البنات كلهم واللي تعجبهم ياخذونها وبعدين كيف البنت اللي جايين يخطبونها وهم مايعرفونهم ولا شافوهم بس يمكن مدلولين من احد وهذا شي حق لهم عادي مو عيب ف الاخير شي حلو انه وحده من بناتهم حتتوفق باذن الله وبالعكس الخوات يكونوا متفاهمات وكلهم يتمنوا الخير لبعض يعني ماراح يزعلون لو اختاروا وحده منهم
vip_sa
•
Muna33 :
لا عادي ياقلبي فيه ناس كذا يطلبون يشوفون البنات كلهم واللي تعجبهم ياخذونها وبعدين كيف البنت اللي جايين يخطبونها وهم مايعرفونهم ولا شافوهم بس يمكن مدلولين من احد وهذا شي حق لهم عادي مو عيب ف الاخير شي حلو انه وحده من بناتهم حتتوفق باذن الله وبالعكس الخوات يكونوا متفاهمات وكلهم يتمنوا الخير لبعض يعني ماراح يزعلون لو اختاروا وحده منهملا عادي ياقلبي فيه ناس كذا يطلبون يشوفون البنات كلهم واللي تعجبهم ياخذونها وبعدين كيف البنت اللي...
الله يوفقكم
الصفحة الأخيرة