ام دانه امك الله يحفضها لك وين راح تسوي تفتيت المراره في اي مستشفى لاني اعرف كم وحده مسوين العمليه في مستشفى خاص وكلهم عمليه باالمنظار , وهل امك فيها حصوه واحده كبيره او حصوات كثار , لاني يوم سويت العمليه قسم بالله 60 حصوه بس كلها صغار .

اختي روازاسمعي مني نصيحة
أنا وقبل ثلاث سنوات من الان اكتشفت أن عندي حصوات في المرارة ومن شدة خوفي من العمليات والتخدير تركتها وكلما شد الالم آخذ مسكنات من الابرحتى قبل عشرة أيام اشتد الام بدرجة لم استطع ان اتحمله ودخلت المستشفىولمدة ثمان أيام وبعد الفحوصات تبين ان لدي حصوات في القناة المرارية ونتشر الصفار في جسمي بمعدل عالي وتم استخراج بعض الحصوات ومازال باقي هناك بعضها وأنا هنااكتب لكي ما جرى لي بالتفصيل لسبب وهو أن تبادري بعمل الفحوصات لأنها ابسط مما تتصورين وانصحك بالبرفسور/ عبدالله الضحيان رئس قسم الجراحة والمناظير في مستشفى الملك خالد الجامعي و سمعت أنه متعاون مع مستشفى المملكة

امي سوتها بمستشفى الملك خا لد الجا معي
وقا لوا تفتيت با لمنظار ولما دخلوها العمليات حا ولوا يفتتونها ما قدروا لا نها ملتهبه مره وسووا لها جراحه وتقريبا كمية الحصى كثيره مره ومجتمعه بحصوتين كبار وا لان هي با لمستشفى وانشاء الله انها طيبه

في فرق بين عمليه المنظار الي هي ثلاث فتحات صغار مره وفي فرق بين التفتيت لاني سالت دكتور قالي الكلى هي الي تتفتت اما المراره عمليت منظار يعني المراره مع الحصوات يشيلوها باالمنظار واذا تعسرت العمليه شقو البطن يعني جراحه ، يعني يشيلو المراره مع الحصواة باالمنظار والفتحه اقل من 1سم.

أختي رواز..صحيح هذه هي اعراض المراره,ألم بالبطن على المعده والم بالظهر جهة اليمين مع تطريش وضيق تنفس ويقلب لونك اصفر ...يووووووووووووه الله لا يعيد هذيك الايام....لاكن ابشرك سويت العمليه والحمد لله كل شي تمام...والعمليه سهله كلها اربع فتحات طول كل فتحه واحد سنتمتر...ولاباس طهور أنشاألله...