ايش هي الاثار المترتبة

https://www.hawaaworld.com/%D8...
اتصلت على دار الحماية تقريبا ٦ مرات بفترات متقطعة وبعدين الغي البلاغ بكل مرة والسبب اني خفت على الاثار المترتبة من هذا الموضوع اخاف يكون مو بصالحي لان ما اقدر اجيهم الا بطلب مني بالتدخل القوة الاجبارية بحكم اني محبوسة في البيت الان بنتي جاتها حالة نفسية تبغا تدرس مثل البنات المهم قلت لبنتي انها تروح عند امي وابوي يسمحو لها بالدراسة ولكن امي آه من امي ولعت اصابعي العشرة شمع وقلبها اقسى من الحجر المهم قالت لبنتي بشرط قولي لأمك تجينا وتطلب منا هذا الشي . انا طبعا عرفت غايتهم والله العظيم انهم اهلي واعرف شخصياتهم يبغوني اجيهم واطلب منهم دراسة بنتي عشان اشتاقو للضرب لاني ليا فترة اتجنب الطلب منهم بأي شي عشان ارتاح من الضرب وهذا الشي قهرهم واستفزهم لان المنظر غاب عنهم منظري لما اجيهم واطلب بكل احترام وأدب وبالكلام الطيب وهم يقابلوني بالضرب وينادو اخواتي البنات والشباب ويرفسوني ويضربوني امام امي وابوي وهم يضحكو ويفرحو ويرتاحو نفسيا وانا هذي المرة رفضت الذل لاني خلاص تعبت تعبت
فهل يا ترى اذا اتصلت على الشرطة وطلعونا انا وبنتي ايش بتكون النتيجة !!؟ هل بيفرقوننا عن بعض انا وبنتي ؟ بحكم ان دار الحماية سمعت انها تفرق بين الام والطفل
لا تقولو حاولي مع امك وابوكي ترى والله مافاد فيهم اي شي الان مقهورين يبغو اجيهم واطلب منهم عشان يجمعو علي الاخوة ويضربوني وينبسطو بمنظري وانا تحت رجولهم
كل مصايبي من امي مأثرة جدا عليهم مسحورين بكلامها مدري اعطتهم نفس او سحر مدري ليه ما يستوعبو يسمعو كلامها بكل شي يشوفو بعيونهم ويسمعو بآذانهم وما يفرقو بين الحق والباطل ولا واحد فيهم يقول كلمة حق كأنهم وراثين منها القلب الاسود والحقد كلهم قلب واحد ويد وحدة علي بسببها
انا ملتزمة بالصلاة على النبي كثيييير كثييير محافظة على الصلاة اقرأ وردي اليومي من القرآن مكثرة من الدعاء متبعة جميع الرقى الشرعية ولكن لا اعتراض على حكم الله مافي تقدم ولا تحسن بنتي بتضيع من هالعيشة
واذا في محامية بنت حلال او مستشارة تدلوني عليها اكون شاكرة لكم اقسم بالله اكتب لكم وانا ابكي عيشتنا انا وبنتي عيشة اموات عيشة الحيوانات افضل منا لان فيها روح حسبي الله ونعم الوكيل