ايش هي مكانتك بقلب أم زوجك

السلام عليكم حوائيات حبيباتي 

طبعا انا اعرف ان مافي اثنين يختلفون أن كل إنسان يفرض احترامه واعرف بعد أن المحبه من الله واعرف بعد أن المحبه مستويات أحيانا حتى الآم تحب ولدها هذا أكثر من هذا 

لكن لما نجي لموضوع أم الزوج وزوجات أولادها !!!

لما تجيك حرمة الولد مو مقصرة بشي ابد عازتك وشالتك ومحترمتك لو تغلطين ما تغلط عليك ولو انك تسوين كل شي هي تحترمك وام الزوج بعد تحبك وتحترمك لكن هي تخاف تبين هالمحبه بسبب وحده من السلفات يعني بأختصار بسبب الغيره 

يعني انا عندي سلفة تعيش بيت أهل زوجي في نفس البيت وانا أعيش بمنطقة بعيده تبعد تقريبا الله 6 ساعات وما اشوفهم إلا بالمناسبات 
هذي السلفه بحكم أنها فبيت أهل زوجي ف أكيد إن ام زوجي تحبها أكثر وحده فينا لأنها قايمة فيها وتطبخ لها وكذا وزوجها بعد هو اللي يشوف طلباتهم بس سلفتي هذي تغار كثييييير من كل شي وأم زوجي تعرف هالشي بس ما تقدر تتكلم ولا تقدر ترفض لها طلب يعني تخاف تقول لها شي يكدرها لأنها هي اللي قايمة فيها ولأن زوجها بعد قايم بأمه أم زوجي تحاول تكسب رضاها بأي طريقة بس سبحان الله هي تظل مثل ما هي 

أم زوجي توقف معاها بكل شي حتى لو غلطانة حتى لو تسوي الشر لانها تخاف تكدرها وبعدين ما تلقى أم زوجي منها اهتمام 

انا ماني بمعترضه أن أم زوجي تحبها عادي وشي متوقع بس مو على حساب باقي السلفات صرنا نشوفها تغلط وما نقدر نتكلم لأن أم زوجي و زوجها معاها ما يقولون لها شي ولأنها قوية حتى والله من ورا أم زوجي تغلط وتتكلم فيها ونحن ما نقدر نقول شي لأن أم زوجي تحبها أو بمعنى أصح أم زوجي تخاف تزعلها عشان تلقاها دايما معاها 

طيب نحن ايش ذنبا لو سوت فينا الغلط و وقفناها عن حدها أم زوجي تزعل مننا وتجلس على رأسك علشان تكلميها رغم أن هي تعرف أنها غلطانة 
ونحن لما نغلط أن زوجي ما تسكت لنا وتهاوشنا رغم ان نحن محترمينها والله أكثر من هذي السلفه ولا نحاول نسوي مشاكل زي ماهي تسوي ولا نفرق بس أم زوجي ما تقول لها شي 
علموني كيف أتعامل معاها وكيف اوصل لام زوجي أن اذا هي بتسكت عن حركاتها لانها تخاف منها فهذا شي يرجع لها لكن نحن مو مجبورين نسكت عن غلطها وكمان أم زوجي مو من حقها تجبرنا نكلمها ونحن ما نبغا